मुंबई,दि.20: Gautam Adani meets Sharad Pawar: प्रसिद्ध उद्योगपती गौतम अदानी यांनी राष्ट्रवादीचे अध्यक्ष शरद पवार यांची भेट घेतली आहे. अदानी समुहाचे सर्वेसर्वा गौतम अदानी (Gautam Adani) आणि राष्ट्रवादी काँग्रेसचे अध्यक्ष शरद पवार (Sharad Pawar) या दोघांचीही शरद पवार यांच्या सिल्वर ओक या बंगल्यावर भेट झाली आहे. दोघांमध्ये तब्बल दोन तास चर्चा झाली. भेटीमध्ये नेमकी कोणत्या विषयावर चर्चा झाली हे अद्याप गुलदस्त्यात आहेत. या भेटीमुळे पुन्हा एकदा राजकीय वतृळात चर्चेला उधाण आलं आहे.
गौतम अदानी यांनी घेतली शरद पवारांची भेट | Gautam Adani meets Sharad Pawar
गौतम अदानी यांनी राष्ट्रवादीचे अध्यक्ष शरद पवार यांची भेट घेतली आहे. शरद पवार यांच्या सिल्वर ओक या निवासस्थानी अदानी यांनी शरद पवार यांची भेट घेतली. या भेटीदरम्यान दोघांमध्ये तब्बल दोन तास चर्चा झाली. मात्र ही चर्चा नेमकी कशावर झाली हे अद्याप गुलदस्त्यात आहे. ही भेट चर्चेचा विषय ठरली आहे.

गौतम अदानी यांनी 20 हजार कोटींचा भ्रष्टाचार केला असा हिंडेनबर्गचा अहवाल आल्यानंतर खळबळ माजली होती. हिवाळी अधिवेशनात राजकीय वातावरण तापलं होतं. मात्र काही दिवसांपूर्वीच शरद पवार यांनी हिंडेनबर्ग हे नाव आपण ऐकलं नाही असं म्हटलं होतं. तसंच जेपीसी ऐवजी सर्वोच्च न्यायालयाची समिती या प्रकरणात योग्य असेल असंही म्हटलं होतं. त्या सगळ्या पार्श्वभूमीवर गौतम अदानी आणि शरद पवार यांच्यात झालेली भेट सूचक आहे. शरद पवार आणि गौतम अदानी यांच्यात नेमकी काय चर्चा झाली याबाबत अदाणी किंवा शरद पवार यांच्याकडून काहीही तपशील समोर आलेला नाही. शरद पवार आणि गौतम अदानी हे एकमेकांना भेटले तेव्हा त्या ठिकाणी कुणीही इतर उपस्थित नव्हते.
गौतम अदानी प्रकरणात जेपीसी म्हणजेच संयुक्त संसदीय समितीची आवश्यकता नाही असं स्पष्ट आणि परखड मत शरद पवार यांनी व्यक्त केलं आहे. तसंच त्यासाठी त्यांनी कारणही दिलं आहे. एवढंच नाही तर देशात इतर प्रश्नही अदानी यांच्या प्रकरणापेक्षा महत्त्वाचे आहेत. हिंडेनबर्ग हे नावही मी कधीच ऐकलेलं नाही. त्या कंपनीच्या अहवालावर विश्वास कसा ठेवायचा असंही शरद पवार यांनी म्हटलं आहे. तसंच JPC म्हणजेच संयुक्त संसदीय समितीच्या विरोधातच त्यांनी भूमिका घेतली आहे.