मुंबई,दि.७: Eknath Shinde On Sharad Pawar: मुख्यमंत्री एकनाथ शिंदे यांनी राष्ट्रवादीचे अध्यक्ष शरद पवार यांच्यावर टीका केली आहे. ‘शरद पवार यांनीच अजित पवार यांना सत्तेचा मार्ग दाखवला’ असे एकनाथ शिंदे (Eknath Shinde) म्हणाले. भाजपासोबत राष्ट्रवादीने जायचे हे आधी शरद पवारांच्या मर्जीने झाले असेल परंतु आता पवारांना ही बाब माहिती नसावी. सत्तेचा मार्ग शरद पवारांनीच (Sharad Pawar) दाखवला होता. त्यांनी पलटी मारली म्हणून अजित पवार आणि इतर नेत्यांनी करेक्ट कार्यक्रम केला असं विधान शिंदे यांनी केले आहे. त्याचसोबत मुख्यमंत्रीपदाबाबत मला चिंता नाही. वरती बसलेले योग्य निर्णय घेतात. विरोधी पक्षाकडे काहीच काम नसल्याने ते अफवा पसरवतात असं शिंदेंनी म्हटलं. (Eknath Shinde On Sharad Pawar)
जे शरद पवारांनी पूर्वी केले तेच आता झाले | Eknath Shinde On Sharad Pawar
एकनाथ शिंदे म्हणाले की, राष्ट्रवादी फुटली, जे शरद पवारांनी पूर्वी केले तेच आता झाले. काम करणाऱ्या नेत्याला बाजूला केले तर असे अपघात होतात. २०१७, २०१९ मध्ये स्वत: शरद पवारांनीच भाजपासोबत जाण्याचं ठरवले असं अजित पवारांनी सांगितले. शरद पवारांनी वारंवार अपमानित केले. यू-टर्न घेतला. मग नेते करणार काय? असा सवाल त्यांनी उपस्थित केला.
तसेच आम्ही खुर्चीच्या लालसेपोटी भाजपा-शिवसेना सरकार बनवले नाही. आम्ही विचारधारा पुढे नेण्यासाठी हे सरकार बनवले. आमच्या आमदारांना अडीच वर्षात वाईट वागणूक दिली. गेल्या वर्षभरात आम्ही आमदारांच्या मतदारसंघात निधी देण्याचे काम केले. तिसरा पार्टनर आल्याने वाटून निधी घेऊ. आम्ही आमदारांच्या शंका दूर केल्यात २०२४ मध्ये आम्हाला निवडणुकीत सर्वाधिक जागा जिंकायच्या आहेत असं मुख्यमंत्री शिंदेंनी सांगितले.
