बुलढाणा,दि.१०: बुलढाण्यातील कारंजा चौक परिसरात देवीच्या आरतीदरम्यान भाजप नगरसेवक आकाश दळवी यांच्यावर प्राणघातक हल्ला करण्याचा गंभीर प्रकार उघडकीस आला आहे. या घटनेमुळे शहरातील राजकीय वातावरण चांगलेच तापले आहे.
मिळालेल्या माहितीनुसार, दळवी आरती करत असताना निखील शर्मा, आर्यन शर्मा आणि वंश शर्मा या तिघांनी त्यांना गाठले. “आमदार महालेंच्या जोरावर उड्या मारतोस का, तुला मर्डर (murder) काय असतो ते दाखवतो,” अशी धमकी देत आरोपींनी तलवार आणि बंदुकीने (gun) दहशत निर्माण केली. या प्रकरणी दळवी आणि त्यांच्या मित्राला शिवीगाळ, मारहाण व शस्त्रांचा धाक दाखवल्याप्रकरणी शहर पोलीस ठाण्यात तक्रार नोंदवण्यात आली आहे.
पोलीस ठाण्यात तिन्ही आरोपींविरुद्ध विविध कलमांन्वये (sections) गुन्हे दाखल झाले असून, शहरात दहशत माजवणाऱ्या या उपद्रवींवर तातडीने तडीपारीची (externment) कारवाई करावी, अशी ठाम मागणी नगरसेवक आकाश दळवी यांनी केली आहे.
