कानपूर,दि.१८: Crime: चोऱ्यांचे प्रमाण अलीकडच्या काळात वाढले आहे. अनेकदा चोरी घरी कोणी नसताना केली जाते. सहसा अनेकजण सध्या घरात सीसीटीव्ही लावत आहे. सीसीटीव्ही लावले की मोबाईलवरून कुठूनही घरावर लक्ष ठेवता येते. कानपूरच्या (Kanpur) श्यामनगरमध्ये सोमवारी रात्री उशिरा चोरट्यांनी घरात (UP Crime) प्रवेश केला. घराचे मालक सध्या अमेरिकेत आहेत, त्यामुळे घराच्या सुरक्षेसाठी कानपूरमध्ये सीसीटीव्ही बसवण्यात आले आहेत. चोरटे आत जात असल्याचे फुटेजमध्ये दिसताच त्यांनी फोनवरून पोलिसांना माहिती दिली. पोलिसांनी घराला चारही बाजूंनी घेरले असता चोरट्यांनी गोळीबार केला. प्रत्युत्तरादाखल पोलिसांनीही गोळीबार केला, त्यानंतर एक गोळी चोराच्या पायाला लागली.
कानपूर येथील रहिवासी असलेल्या विजय अवस्थी यांचे श्याम नगरमध्ये घर आहे. विजय सध्या अमेरिकेत आहेt. त्यांच्या घराला कुलूप आहे. घराच्या सुरक्षेसाठी सीसीटीव्ही बसवण्यात आले असून, त्याद्वारे ते अमेरिकेत बसून घरावर नजर ठेवतात. सोमवारी मध्यरात्री काही चोरट्यांनी त्यांच्या घरात प्रवेश केला.
त्यावेळी अमेरिकेत दिवस होता, त्यामुळे विजय अवस्थी त्यांच्या मोबाईलवर घरातील सीसीटीव्ही बघत होते. त्याचवेळी त्यांनी चोरांना घरात चोरी करताना पाहिले, त्यांनी तात्काळ कानपूर पोलिसांना माहिती दिली. माहिती मिळताच पोलिसांनी घटनास्थळी पोहोचून घराला वेढा घातला. यादरम्यान पोलिसांना पाहून चोरट्यांनी घराबाहेर पळ काढण्यास सुरुवात केली.
जिथे पाण्याच्या टाकीजवळ एका चोरासोबत पोलिसांची चकमक झाली. प्रत्युत्तरादाखल केलेल्या गोळीबारात चोरट्याला पोलिसांनी गोळ्या घातल्या. जखमी चोर हमीरपूरचा रहिवासी असून त्याला हैलटमध्ये दाखल करण्यात आले आहे. डीसीपी प्रमोद कुमार यांनी सांगितले की, अमेरिकेत राहणाऱ्या घराच्या मालकाने थेट घरात घुसलेल्या चोरांना पाहून पोलिसांना माहिती दिली होती.
डीसीपी प्रमोद कुमार यांनी सांगितले की, पोलिसांनी घटनास्थळी येऊन तपासणी केली, ज्यामध्ये एका चोराची पोलिसांसोबत फायरिंग झाली, ज्यामध्ये त्याला गोळी लागली. तो रुग्णालयात आहे. घराचे कुलूप सर्व सुरक्षित होते. त्यांच्या कुटुंबीयांना याची कल्पना देण्यात आली आहे.
