तुमकुरु,दि.21: कर्नाटकातील ( Karnataka) तुमकुरू (Tumakuru) येथे पुराच्या पाण्यात अडकलेल्या लोकांचा हृदयद्रावक व्हिडिओ समोर आला आहे. न्यूज एजन्सी एएनआयने ट्विटरवर एक व्हिडिओ पोस्ट केला आहे, ज्यामध्ये पुराचे पाणी रस्त्यावरून वेगाने वाहत असल्याचे दिसत आहे. काही लोक पाण्याच्या जोरदार प्रवाहात रस्ता ओलांडण्याचा प्रयत्न करत आहेत.
यातील काही दुचाकीस्वार रस्ता ओलांडण्याचाही प्रयत्न करतात. मात्र पाण्याच्या जोरदार प्रवाहामुळे दुचाकीस्वारांना स्वतःवर नियंत्रण ठेवता येत नाही आणि ते वाहून जाऊ लागले. मात्र, रस्त्यावर उभे असलेले काही लोक त्यांना वाचवण्याचा प्रयत्न करतात.
लोकं बाईक पकडून वर खेचण्याचा प्रयत्न करतात. पण त्याला यश येत नाही. एक तरुण दुचाकीसह पाण्यात पडला. त्याचवेळी दुसरा दुचाकीस्वार पाण्यात वाहून गेला. पण काही अंतर गेल्यावर सुरक्षितपणे दुसऱ्या बाजूला निघून जातो. कर्नाटकच्या काही भागात मुसळधार पाऊस (Heavy rain) झाला असून आणखी पाऊस पडण्याची शक्यता आहे.
