मुंबई,दि.22: Rohit Pawar On Ajit Pawar Group: आमदार रोहित पवार यांनी अजित पवार गटावर गंभीर आरोप केला आहे. अजित पवारांनी बंड केल्यामुळे राष्ट्रवादीत फूट पडली आहे. शरद पवार गटाचे एक आमदार आणि खासदार अजित पवार (Ajit Pawar) गटात जाण्याबाबत रोहित पवारांनी गंभीर आरोप केला आहे. काही नेत्यांचं ब्लॅकमेलिंग सुरू आहे, तू सही कर नाहीतर अमुक अमुक काम होणार नाही असं कदाचित सांगितलं जातं, असा आरोप रोहित यांनी केला आहे. शरद पवार गटातील आणखी एका खासदाराचे आणि एका आमदाराचे समर्थन असलेले प्रतिज्ञापत्र अजित पवारांना दिल्याची बातमी आल्यानंतर राजकीय चर्चांना उधाण आले त्यानंतर रोहित पवारांनी (Rohit Pawar) आरोप केले आहे.
रोहित पवार यांचा अजित पवार गटावर गंभीर आरोप | Rohit Pawar On Ajit Pawar
रोहित पवार म्हणाले, एक खासदार आणि एक आमदार अजित पवार गटात खरच नावं दिलं आहे का बघावं लागेल. आमदारांचे एखादं महत्त्वाच काम त्याने प्रतिज्ञापत्र दिल्याशिवाय केलं जात नसल्याच्या घटना घडत आहे. ब्लॅकमेल करून सह्या घेतल्या जात आहेत. तु सही कर नाहीतर काम होणारं नाही असं सांगितल जातं आहे.
शरद पवार गटातील आमदारांनी पक्ष विरोधी कृत्य केल्यामुळे या आमदारांना आपत्र करण्यात यावं अशी मागणी करत अजित पवार गटाने विधीमंडळाच्या अध्यक्षांकडे याचिका दाखल केली. त्यावर रोहित पवार यांनी प्रतिक्रिया दिली. रोहित पवार म्हणाले, काल विधानसभा अध्यक्ष दिल्लीला कायदेशीर सल्ला घेण्यासाठी गेले होते. तिथूनच त्यांनी अजित पवार गटाला फोन केला असेल आणि त्यानंतर हे करण्यात आलं असेल. त्यांची ती रणनिती असेल आम्ही आम्ही कारवाई करत आहोत. हा लढा कोर्टात जाईल आणि विजय आमचा होणार आहे.
रोहित पवारांनी धनगर आरक्षणावर टीका केली आहे. केंद्रातील आणि राज्यातील भाजप सरकार मराठा, धनगर आरक्षणाबाबत गंभीर नाही. हे केवळ शाब्दिक खेळ करणारे सरकार आहे. या सरकारच असं आहे की बोलून मोकळं व्हायचं आणि निघून जायचं. नंतर वेळखाऊपणा करायचा. आरक्षणाचा विषय महाराष्ट्रात सुटणार नाही त्यासाठी केंद्रात जाणं गरजेचं आहे. ईडब्ल्यूएस कोट्याला जशी घटना दुरुस्ती केली तशीच घटना दुरुस्ती गरजेची आहे. भाजपला हे आरक्षण नको आहे असं चित्र आहे. 2014 साली फडणविस म्हणाले होते की पहिल्या कॅबिनेट मध्ये आरक्षण देणार मात्र अजून काही केलं नाही.
