Omicron Update : भारतात ओमिक्रॉन व्हेरियंटचे (Omicron Variant) रुग्णांची संख्या वाढत आहे. देशाची राजधानी दिल्लीत (Delhi) व महाराष्ट्रात (Maharashtra) ओमिक्रॉन (Omicron) रुग्णांची संख्या वाढत आहे. देशात ओमिक्रॉनचा वाढता धोका लक्षात घेता पंतप्रधान नरेंद्र मोदी (PM Narendra Modi) यांनी आज बैठक बोलावली आहे. सकाळी 10 वाजता ही बैठक पार पडणार आहे. ओमिक्रॉनच्या वाढत्या प्रादुर्भावाच्या पार्श्वभूमीवर पंतप्रधान मोदींनी बोलावली उच्चस्तरीय बैठक बोलावली आहे. बुस्टर डोस आणि लहान मुलांच्या लसीकरणासंदर्भात निर्णय प्रतीक्षेत आहे. त्यामुळे आजच्या बैठकीत मोदी काय निर्णय घेणार? पुन्हा निर्बंध लादणार का? याकडे पाहणं महत्त्वाचं ठरणार आहे.
ओमिक्रॉनच्या पार्श्वभूमीवर केंद्राचे सर्व राज्यांना पत्र
आरोग्य विभागाकडून सर्व राज्यांचा इशाराही देण्यात आला आहे. कोरोनाचा हा नवा व्हेरियंट तीन पटींनी अधिक वेगानं पसरतो. त्यामुळे आता सावधगिरी बाळगण्याची गरज आहे. परंतु, अनेक ठिकाणी नागरिक निष्काळजीपणे फिरताना दिसत आहेत. त्यामुळेच केंद्रानं राज्यांना तिसरी लाट रोखण्यासाठी पत्र लिहिलं आहे.
संपूर्ण जगामध्ये सध्या कोरोनाच्या ओमिक्रॉन (Omicron) विषाणूचा धुमाकूळ सुरु आहे. राज्यातील ओमायक्रॉनबाधित रुग्णांच्या संख्येत दररोज वाढ होताना दिसत आहे. या पार्श्वभूमीवर केंद्रीय आरोग्य मंत्रालयाकडून राज्यांना कोविड-19 आणि ओमिक्रॉन व्हेरियंटच्या रुग्णसंख्येत वाढ होत असल्यानं पत्र लिहिलं आहे. सर्व जिल्हास्तरावर खबरदारी घेण्याच्या सूचना दिल्या आहेत. ओमिक्रॉन व्हेरियंट डेल्टा व्हेरियंटपेक्षा तीन पट वेगाने पसरत असल्याचा वैज्ञानिकांचा अभ्यास आहे. या पत्राद्वारे राज्यांना खबरदारीच्या सूचना दिल्या आहेत. कन्टेन्मेंट झोन, टेस्टिंग आणि सर्वेलन्स, क्लिनिकल मॅनेजमेंट, लसीकरण आणि कोरोनासंदर्भातील नियम पाळण्याच्या सूचना दिल्या आहेत. या पत्रात केंद्राने राज्यांना नाईट कर्फ्यू, मोकळ्या जागेतील सभा तसेच लग्नसमारंभ, अंत्य यात्रेवर नियंत्रण ठेवण्यासही सांगितलं आहे.
