Omicron Cases In India: ओमिक्रॉन व्हेरिएंटचे (Omicron Variant) रुग्णसंख्या भारतात (India) वाढत आहे. ओमिक्रॉन व्हेरिएंट डेल्टा व्हेरिएंट (Delta Variant) पेक्षा जास्त संसर्गजन्य असल्याचे सांगितले जात आहे. भारतात ओमिक्रॉनची प्रकरणे (Omicron Cases) झपाट्याने वाढत आहेत. केरळपासून जम्मू-काश्मीरपर्यंत देशातील 14 राज्यांमध्ये ओमिक्रॉनचे (Omicron) रुग्ण आढळत आहेत. मंगळवारी जम्मू आणि काश्मीरमध्ये कोरोनाच्या ओमिक्रॉन व्हेरिएंटची 3 प्रकरणे समोर आली आहेत.
दुसरीकडे, तेलंगणामध्ये ओमिक्रॉनची चार नवीन प्रकरणे आढळून आली आहेत. आश्चर्याची गोष्ट म्हणजे यातील तीन लोक असे लोक आहेत जे धोका नसलेल्या देशांतून आले आहेत. त्याचवेळी, कोरोनाबाधित व्यक्तीच्या संपर्कात आल्यानंतर चौथा व्यक्ती ओमिक्रॉन पॉझिटिव्ह आला आहे. तेलंगणामध्ये आतापर्यंत ओमिक्रॉनची 24 प्रकरणे आढळून आली आहेत.
जम्मू-काश्मीरमधून दिल्लीहून आलेल्या तीन लोकांमध्ये कोरोनाच्या नवीन प्रकाराची पुष्टी झाली आहे. 30 नोव्हेंबरला या लोकांचे नमुने घेण्यात आले. दिल्लीतही ओमिक्रॉनच्या रुग्णांची संख्या 54 वर पोहोचली आहे. आज महाराष्ट्रात 11 नवीन रुग्ण आढळले आहेत. त्यापैकी 8 प्रकरणे मुंबई विमानतळावर चाचणीदरम्यान आढळून आली आहेत. तर उस्मानाबाद, नवी मुंबई आणि पिंपरी चिंचवडमध्ये तीन रुग्ण आढळले आहेत.
देशात ओमिक्रॉनची 220 प्रकरणे
ओमिक्रॉन (Omicron) भारतातील 14 राज्यांमध्ये पसरला आहे. आतापर्यंत 220 हून अधिक प्रकरणे नोंदवली गेली आहेत. मुंबईत सर्वाधिक रुग्ण आढळले आहेत. आतापर्यंत 65 जणांना कोरोनाच्या नवीन प्रकाराची लागण झाली आहे. दिल्लीत, एलएनजेपीमध्ये 34 रुग्णांवर उपचार सुरू आहेत. धक्कादायक बाब म्हणजे यातील 3 रुग्णांचा ट्रॅव्हल हिस्ट्रीही नाही.
ओमिक्रॉन डेल्टा पेक्षा 3 पट जास्त संसर्गजन्य
दुसरीकडे, केंद्रीय आरोग्य सचिवांनी वैज्ञानिक अहवालांच्या आधारे राज्यांना सांगितले आहे की ओमिक्रॉन कोरोनाच्या डेल्टा प्रकारापेक्षा तिप्पट जास्त संसर्गजन्य आहे. तथापि, भारतातील अनेक भागात डेल्टा प्रकाराची प्रकरणे अजूनही नोंदवली जात आहेत. अशा परिस्थितीत, स्थानिक आणि जिल्हा स्तरावरील राज्य सरकारांनी दूरदृष्टी, डेटा विश्लेषणासह कठोर आणि जलद निर्णय घेण्याची गरज आहे.
