Kanpur Accident: उत्तर प्रदेशातील (Uttar Pradesh) कानपूर (Kanpur) शहरात रविवारी रात्री उशिरा झालेल्या एका रस्ते अपघातात सहा जण ठार तर अनेक जण जखमी झाले. मिळालेल्या माहितीनुसार, बाबुपुरवा पोलीस स्टेशन अंतर्गत येणाऱ्या ताटमीळ चौकात एका अनियंत्रित इलेक्ट्रिक बसने वाहतूक बूथ तोडून अनेक प्रवासी आणि चालकांना चिरडले. या अपघातात दोघांचा जागीच मृत्यू झाला. त्याचवेळी अपघातात जखमी झालेल्या अन्य चार जणांचा रुग्णालयात नेत असताना मृत्यू झाला.
मिळालेल्या माहितीनुसार, किडवाईनगर नगरला जाण्यासाठी बस घंटाघर चौकातून निघाली होती. अचानक बसचे नियंत्रण सुटून अपघात झाला. अपघातानंतर घटनास्थळी एकच गोंधळ उडाला. त्याचवेळी अपघातानंतर बस चालकाने घटनास्थळावरून पळ काढला. सध्या फरार चालकाचा शोध सुरू आहे. त्याचवेळी अपघाताची माहिती मिळताच पोलीस घटनास्थळी पोहोचले आणि जखमींना कानपूर लाला लजपत राय रुग्णालयात दाखल केले.
रुग्णालयात दाखल झालेल्या काही जखमींची प्रकृती चिंताजनक असल्याचे सांगण्यात येत आहे. या अपघातात पादचारी, वाहन चालकांसह जवळपासच्या अनेक दुकानांच्या बाहेर उपस्थित असलेले लोक जखमी झाले. पोलीस सध्या बस चालकाचा शोध घेत असून अपघाताच्या कारणाचा शोध घेत आहेत. पोलिसांनी दिलेल्या माहितीनुसार, या अपघातात आतापर्यंत 6 जणांचा मृत्यू झाला आहे. त्याचबरोबर अनेक जण जखमी झाले असून, त्यांच्यावर उपचार सुरू आहेत.
राष्ट्रपती रामनाथ कोविंद यांनीही या घटनेवर शोक व्यक्त केला आहे. त्यांनी लिहिले की, कानपूर बस दुर्घटनेत अनेकांचा बळी गेल्याच्या वृत्ताने खूप दु:ख झाले आहे. या घटनेत ज्यांनी आपल्या प्रियजनांना गमावले त्यांच्या कुटुंबियांप्रती माझ्या संवेदना. जखमी लोक लवकर बरे व्हावेत.