भोपाळ,दि.१६: Jagdish Devda Controversial Statement | भाजपा नेते मध्य प्रदेशचे उपमुख्यमंत्री जगदीश देवडा यांनी वादग्रस्त वक्तव्य केले आहे. (Madhya Pradesh Deputy Chief Minister Jagdish Devda has made a controversial statement) मध्य प्रदेशचे मंत्री विजय शाह (Vijay Shah) यांच्या वादग्रस्त विधानाचा प्रश्न अद्याप सुटलेला नाही आणि आता राज्याचे उपमुख्यमंत्री जगदीश देवडा यांच्या वादग्रस्त विधानामुळे राजकीय वादळ निर्माण झाले आहे.
जगदीश देवडा यांचे वादग्रस्त वक्तव्य | Jagdish Devda Controversial Statement
जबलपूर येथे नागरी संरक्षण स्वयंसेवकांच्या प्रशिक्षण कार्यक्रमाला संबोधित करताना देवडा म्हणाले, “संपूर्ण देश, देशाचे सैन्य आणि सैनिक पंतप्रधान नरेंद्र मोदी यांच्या चरणी नतमस्तक आहेत.” देवडा यांच्या वक्तव्याचा काँग्रेसने निषेध केला आहे.
जगदीश देवडा भावनिकपणे म्हणाले, “तिथे गेलेल्या पर्यटकांना त्यांचा धर्म विचारून निवडकपणे मारण्यात आले याचा मनात खूप राग होता. महिलांना बाजूला उभे करून त्यांच्यासमोर गोळ्या घालण्यात आल्या. मुलांसमोर त्यांच्यावर गोळ्या झाडण्यात आल्या. त्या दिवसापासून संपूर्ण देशाच्या मनात तणाव निर्माण झाला की जोपर्यंत याचा बदला घेतला जात नाही, जोपर्यंत मातांचे सिंदूर पुसून टाकणाऱ्या लोकांना मारले जात नाही, तोपर्यंत आपण शांततेत श्वास घेऊ शकणार नाही.”
उपमुख्यमंत्री पुढे म्हणाले, “आम्ही यशस्वी पंतप्रधानांचे आभार मानू इच्छितो. संपूर्ण देश, देशाचे सैन्य, सैनिक त्यांच्या चरणी नतमस्तक आहे. त्यांनी दिलेल्या उत्तराचे जेवढे कौतुक करावे तेवढे कमीच आहे.”
