सोलापूर,दि.30: मध्य प्रदेशच्या काँग्रेस राज्य कार्यालयात नेत्यांमध्ये जोरदार भांडण झाले. काँग्रेस नेत्यांमध्ये वादावादी झाली आणि हाणामारी झाली. ज्याचा व्हिडिओ सोशल मीडियावर खूप शेअर केला जात आहे. काँग्रेसचे प्रदेश प्रवक्ते शहरयार खान आणि अनुसूचित जाती विभागाचे माजी प्रदेशाध्यक्ष प्रदीप अहिरवार यांच्यात बाचाबाची झाली होती. ज्यात माजी मुख्यमंत्री दिग्विजय सिंह यांच्यावरून प्रदीप अहिरवार आणि शहरयार खान यांच्यात वाद सुरू झाला. त्यांनी एकमेकांवर खुर्च्या फेकल्या आणि बाचाबाचीही केली. यावेळी घटनास्थळी उपस्थित असलेल्या इतर नेत्यांनी दोन्ही नेत्यांना वेगळे केले.
सोमवारी काँग्रेस कार्यालयात काँग्रेस प्रदेश प्रवक्ते शहरयार खान आणि अनुसूचित जाती विभागाचे माजी प्रदेशाध्यक्ष प्रदीप अहिरवार यांच्यात बाचाबाची झाल्याची घटना घडली. दोन्ही नेते एकमेकांना धक्काबुक्की आणि शिवीगाळ करत होते. यावेळी उपस्थित लोकांनी त्याचा व्हिडिओही बनवला. यादरम्यान काँग्रेसचे इतर नेते या दोघांना रोखण्याचा प्रयत्न करत असल्याचे व्हिडिओमध्ये दिसत आहे. या घटनेबाबत काँग्रेसच्या सूत्रांनी सांगितले की, दिग्विजय सिंह यांच्याबद्दल अपशब्द वापरल्याने वाद सुरू झाला.
प्रदीप अहिरवार यांच्यावर आरोप करताना शहरयार खान म्हणाले की, नोव्हेंबरमध्ये झालेल्या विधानसभा निवडणुकीत तिकीट वाटपाबाबत प्रदीप दिग्विजय सिंह यांना शिवीगाळ करत होते. 17 नोव्हेंबरला झालेल्या निवडणुकीत भाजपाने पुन्हा सत्ता मिळवली. काँग्रेसच्या पराभवासाठी कमलनाथ आणि दिग्विजय सिंह यांना जबाबदार धरण्यात आलं. या हाणामारीचा व्हिडीओ सध्या सोशल मीडियावर जोरदार व्हायरल होत आहे.
