बारामती, दि.19: कारच्या भीषण अपघातात (Baramati Accident) एकाच कुटुंबातील तिघांचा मृत्यू झाला आहे. रात्री धार्मिक कार्यक्रम संपवून कुटुंब बारामतीला (Baramati Accident) परत येत होते. त्यावेळी हा अपघात (Accident) झाला. चारचाकीची उसाच्या ट्रॉलीला पाठीमागून धडक बसून झालेल्या अपघातात (Accident) बारामतीतील एकाच कुटुंबातील तिघांचा दुर्देवी मृत्यू झाला आहे. मंगळवारी (दि.18) रात्री दहाच्या सुमारास बारामती-मोरगाव रस्त्यावर तरडोलीनजिक हा अपघात झाला.
बारामतीतील सराफ व्यावसायिक श्रेणिक भंडारी यांची पत्नी अश्विनी भंडारी, मुलगा मिलिंद भंडारी व बहिण आणि बारामतीतील व्यापारी उदय कळसकर यांची पत्नी कविता कळसकर यांचा अपघातामध्ये मृत्यू झाला. या अपघातात एक महिला गंभीर जखमी असून त्यांना पुढील उपचारार्थ पुणे येथील रुग्णालयात दाखल करण्यात आले आहे.
एका धार्मिक कार्यक्रमासाठी हे कुटुंब पुण्याला गेले होते. रात्री कार्यक्रम संपवून बारामतीला निघालेले असताना तरडोलीपासून पुढे आल्यानंतर उसाच्या ट्रॅक्टर ट्रॉलीचा अंदाज न आल्याने मागून गाडी धडकून हा अपघात झाला. गाडीची धडक जोरदार होती, त्यामुळे तिघांचा मृत्यू झाला असून एक महिला यात गंभीर जखमी झाली आहे. या अपघाताने भंडारी व कळसकर कुटुंबियांवर शोककळा पसरली आहे. बारामती परिसरात धार्मिक कुटुंब म्हणून त्यांची ओळख होती. रात्री अपघाताची माहिती मिळताच बारामतीतील अनेकांनी घटनास्थळी धाव घेतली.
