रायगड,दि.२५: Ambenali Ghat Accident | महाबळेश्वर-पोलादपूर रस्त्यावरील (Mahabaleshwar-Poladpur Road) धोकादायक आंबेनळी घाटात रविवारी (२४ मे) रात्री एक अत्यंत भीषण आणि दुर्दैवी अपघात घडला. एका भरधाव स्कॉर्पिओ कारवरील नियंत्रण सुटल्याने ती अंदाजे ९०० फूट खोल दरीत (900 Feet Deep Valley) कोसळली. या भीषण अपघातात कारमधील सर्व ८ जणांचा जागीच मृत्यू (Spot Death) झाला आहे.
रात्रीपासूनच युद्धपातळीवर बचाव कार्य (Rescue Operation)
मिळालेल्या माहितीनुसार, रविवारी रात्री ही स्कॉर्पिओ कार आंबेनळी घाटातून जात असताना हा अपघात घडला. घटनेची माहिती मिळताच महामार्ग पोलीस (Highway Police) आणि स्थानिक प्रशासकीय अधिकारी तातडीने घटनास्थळी दाखल झाले. (Raigad Car Accident)
खोल दरी आणि रात्रीचा अंधार अशा प्रतिकूल परिस्थितीतही ‘महाबळेश्वर ट्रेकर्स’ (Mahabaleshwar Trekkers) आणि ‘प्रतापगड सर्च अँड रेस्क्यू टीम’च्या (Pratapgad Search and Rescue Team) मदतीने रात्री १० वाजल्यापासूनच युद्धपातळीवर बचाव कार्य सुरू करण्यात आले. आतापर्यंत ८ पैकी ३ जणांचे मृतदेह (Bodies) दरीतून बाहेर काढण्यात यश आले असून, उर्वरित मृतदेह काढण्याचे काम सुरू आहे. हा अपघात नेमका कसा घडला, याचे कारण अद्याप अस्पष्ट आहे.
मृतांची नावे आली समोर (Accident Victims List)
अपघातग्रस्त कारमधून प्रवास करणाऱ्या सर्व ८ जणांची ओळख पटली असून, मृतांची नावे खालीलप्रमाणे आहेत:
महेश अनिल पवार (वय २५)
आदित्य अशोक साळुंखे (वय २१)
रितेश राजेंद्र लोखंडे (वय २५)
सुहास जितेंद्र लोखंडे (वय २०)
अशं समीर चव्हाण (वय १८)
उत्कर्ष आनंद शिंगटे (वय २१)
अनिल अभिमन्यू शिंगटे (वय २५)
नितीन किसन नायकोंडे (वय ३५)
या भीषण अपघातामुळे परिसरात मोठी हळहळ व्यक्त केली जात आहे. पोलीस या प्रकरणाचा पुढील तपास करत आहेत.
