मुंबई,दि.28: Airtel Recharge: Jio आणि Airtel या दोन्ही टेलिकॉम कंपन्यांनी त्यांच्या रिचार्ज प्लॅनच्या किमती वाढवल्या आहेत. जिओने जवळपास अडीच वर्षांनी आपल्या रिचार्ज प्लॅनच्या किमती वाढवल्या आहेत. एअरटेलने आपले प्लॅन्स महाग केले आहेत, तर Jio च्या प्लॅनच्या किमती 27 टक्क्यांनी वाढल्या आहेत.
5G सेवा सुरू केल्यानंतर दोन्ही कंपन्यांनी त्यांच्या योजनांमध्ये ही मोठी वाढ केली आहे. याआधीही टेलिकॉम कंपन्यांनी काही योजना सुधारल्या होत्या, मात्र यावेळी संपूर्ण पोर्टफोलिओ बदलण्यात आला आहे. या कंपन्यांच्या रिचार्ज प्लॅनसाठी अधिकचे पैसे खर्च करावे लागतील.
Jio ने किंमत किती वाढवली?
जिओने आपल्या प्लॅनच्या किमती 27 टक्क्यांपर्यंत वाढवल्या आहेत. या प्रसंगी, रिलायन्स जिओ इन्फोकॉमचे अध्यक्ष आकाश अंबानी म्हणाले, ‘नवीन योजना लॉन्च करणे हे 5G आणि AI तंत्रज्ञानातील गुंतवणुकीद्वारे उद्योगातील नवकल्पना आणि वाढीच्या दिशेने एक पाऊल आहे.’
कंपनीने आपल्या प्रेस रिलीजमध्ये म्हटले आहे की, ‘2GB आणि त्यावरील सर्व प्लॅनमध्ये अमर्यादित 5G सेवा उपलब्ध असेल. नवीन योजनांची किंमत 3 जुलै 2024 पासून लागू होईल. हे सर्व टचपॉइंट आणि चॅनेलवरून प्रवेश करण्यायोग्य असतील.
एअरटेलचे प्लॅनही महाग झाले | Airtel Recharge
Jio सोबत Airtel ने देखील आपल्या रिचार्ज प्लॅनच्या किमती वाढवल्या आहेत. कंपनीचे म्हणणे आहे की भारतात चांगला टेलिकॉम व्यवसाय चालवण्यासाठी कंपनीचा ARPU 300 रुपयांच्या वर असावा. ARPU म्हणजेच सरासरी महसूल म्हणजे वापरकर्ते आणि ग्राहकांकडून मिळणारी सरासरी कमाई.
कंपनीचे म्हणणे आहे की त्यांनी योजनांच्या किमती कमीत कमी ठेवण्याचा प्रयत्न केला आहे. एंट्री लेव्हल प्लॅनच्या किमती प्रतिदिन 70 पैशांपेक्षा कमी वाढल्या आहेत.
एअरटेलने वाढ केलेल्या इंटरनेटचे दर येत्या 3 जुलैपासून लागू होतील. आता नव्या दरानुसार एअरटेलचा 179 रुपयांना असलेला सर्वांत स्वस्त प्लॅन आता 199 रुपयांना झाला आहे. एअरटेलचा प्रिपेड हा एंट्री प्लॅन असून त्याची मुदत 28 दिवस आहे. त्यानंतर 84 दिवसांचा 455 रुपयांचा प्लॅन आता 509 रुपये करण्यात आला आहे. 365 दिवसांचा 1799 रुपयांचा प्लॅन आता 1999 रुपये करण्यात आला आहे.
पोस्टपेड प्लॅनही महाग
भारती एअरटेलने प्रिपेड प्लॅनसह पोस्टपेड प्लॅनमध्येही मोठा बदल केला आहे. एअरटेलचे एकूण चार पोस्टपेड प्लॅन होते. हे प्लॅन अनुक्रमे 399, 499, 599 आणि 999 रुपयांचे होते. 399 रुपयांच्या प्लॅनवर 40 जीबी टेडा मिळायचा तसेच एक्स्ट्रिम प्रिमियमचे सबस्क्रिप्शनही मिळायचे. आता हाच प्लॅन 449 रुपयांपर्यंत वाढवण्यात आला आहे.
