नवी दिल्ली,दि.8: सोशल मीडियावर (Social Media) अनेक प्रकारचे व्हिडिओ व्हायरल (Video Viral) होतात. असाच एका महिलेचा रेल्वे स्टेशनवर डान्स करतानाच व्हिडिओ व्हायरल होत आहे. गोविंदाच्या गाण्यांची प्रत्येकालाच क्रेझ आहे. गोविंदाने आपल्या चित्रपट प्रवासात एकाहून एक हिट चित्रपट आणि गाणी दिली आहेत. आजही गोविंदाची गाणी लोकांना खूप आवडतात. त्याचवेळी, नुकताच एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये एक महिला रेल्वे स्टेशनवर उभी असून डोक्यावर पदर घेऊन गोविंदाच्या गाण्यावर नाचताना दिसत आहे. हा व्हिडीओ पाहिल्यानंतर तुम्हीही त्या महिलेकडे पाहतच राहाल.
एका महिलेचा व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये लाल साडीत एक महिला रेल्वे स्टेशनवर डोक्यावर पदर घेऊन गोविंदाच्या ‘आपके आ जाने से’ गाण्यावर नाचताना दिसत आहे. कधी ती गोविंदाच्या स्टेप्स फॉलो करताना तर कधी गिटारच्या स्टेप्सवर नाचताना दिसत आहे. महिलेचा डान्स इतका मनोरंजक आहे की ट्रेन पकडण्यासाठी जाणारे प्रवासीही महिलेचा डान्स पाहत बसल्याने त्यांची ट्रेन चुकली.
व्हिडिओमध्ये दिसत आहे की, महिलेच्या मागे उभे असलेले लोकही तिच्या पावलावर पाऊल टाकताना दिसत आहेत. त्याचवेळी महिलाही बिनधास्त मौजमजेत आपल्या नृत्याचा आनंद घेत आहे. या व्हिडीओवर लोकांकडून प्रतिक्रिया पाहायला मिळत आहेत. एका यूजरने लिहिले – काय बात आहे आंटी, तुमचा डान्स पाहून चेहऱ्यावर हसू आले. तर दुसरीकडे, दुसरा वापरकर्ता म्हणाला – हे चांगले आहे की आजही असे लोक आहेत जे खरोखरच संसार विसरून आपले जीवन जगतात.
