सूरत,दि.23: लोकसभा निवडणुकीत गुजरातमधील सुरत लोकसभा मतदारसंघातून काँग्रेसचे उमेदवार असलेले नीलेश कुंभाणी भारतीय जनता पक्षात (BJP) प्रवेश करू शकतात. या आठवड्यात ते भाजपमध्ये प्रवेश करणार असल्याचे सूत्रांचे म्हणणे आहे.
नीलेश कुंभाणी लवकरच भाजपमध्ये प्रवेश करणार असल्याच्या वृत्तामुळे काँग्रेस कार्यकर्ते विरोध करत आहेत. निलेश कुंभाणी यांना जनतेचा देशद्रोही आणि लोकशाहीचा खुनी म्हणत काँग्रेस कार्यकर्ते निलेशच्या घराबाहेर निदर्शने करत आहेत.
सूरत लोकसभा जागेवर भाजपचे उमेदवार मुकेश दलाल यांच्या बिनविरोध विजयामुळे नीलेश कुंभाणीही प्रकाश झोतात आले. मुकेश दलाल यांच्या बिनविरोध विजयाच्या एक दिवस आधी नीलेश यांचा उमेदवारी अर्ज रद्द करण्यात आले. त्यांच्या प्रस्तावकांच्या सह्यांमध्ये अनियमितता असल्याचे कारण देत नामनिर्देशन रद्द करण्यात आले.
सुरत लोकसभा जागेवर भाजपचे उमेदवार मुकेश दलाल यांच्या बिनविरोध विजयानंतर काँग्रेसने निवडणूक आयोगाकडे धाव घेतली आहे. मुकेश दलाल यांना अनावश्यक प्रभावातून विजयी घोषित केल्याचा आरोप काँग्रेसने केला आहे. या जागेवर नव्याने निवडणुका घ्याव्यात, अशी काँग्रेसची मागणी आहे. पक्षाने असा दावा केला आहे की भाजपला व्यापारी समुदायाची भीती वाटत होती, त्यामुळेच त्यांनी सूरत लोकसभा मतदारसंघात मॅच फिक्सिंगचा प्रयत्न केला.
काय आहे संपूर्ण प्रकरण?
सूरत लोकसभा मतदारसंघातून भाजपचे मुकेश दलाल यांना बिनविरोध विजयी घोषित करण्यात आले. या जागेवरील काँग्रेसचे उमेदवार नीलेश कुंभाणी यांचा अर्ज एक दिवस अगोदर निवडणूक निर्णय अधिकाऱ्यांनी रद्द केला होता. त्यांच्या प्रस्तावकांच्या सह्यांमध्ये अनियमितता असल्याचे कारण देत नामनिर्देशन रद्द करण्यात आले.
काँग्रेसच्या उमेदवारांचे अर्ज रद्द झाल्यानंतर उर्वरित 8 उमेदवारांनीही आपले उमेदवारी अर्ज मागे घेतले. अशा स्थितीत भाजपचे उमेदवार मुकेश दलाल यांची बिनविरोध निवड झाली. निवडणूक आयोगाने त्यांना विजयाचे प्रमाणपत्रही दिले आहे. लोकसभा निवडणुकीत भाजपचा खासदार बिनविरोध निवडून येण्याची ही पहिलीच वेळ आहे.
