दि.२१: WhatsApp Updates: २४ ऑक्टोबरनंतर काही फोनमध्ये WhatsApp काम करणार नाही. व्हॉट्सॲप वेळोवेळी अपडेट देत असते. अँड्रॉइड (Android) आणि iOS वर व्हॉट्सॲप वापरले जाते. २४ ऑक्टोबरनंतर, WhatsApp काही डिव्हाइसवर काम करणे बंद करणार असल्याची माहिती आहे. त्यामुळे, तुमचा iPhone अपग्रेड करण्यासाठी किंवा WhatsApp साठी पर्यायी अॅप्लिकेशन शोधण्यासाठी तुमच्याकडे फक्त चार दिवस आहेत. ज्यांचे डिव्हाइस iOS 12 वर चालू शकत नाहीत, अशा iPhone युजर्ससाठी हे महत्वाचे आहे. मे 2022 च्या सुरुवातीला WABetaInfo ने दिलेल्या माहितीनुसार, iPhone 5 आणि iPhone 5C चे युजर्स त्यांच्या डिव्हाइसवर WhatsApp वापरू शकणार नाहीत.
WhatsApp या फोनमध्ये काम करणार नाही
ऑनलाइन मेसेजिंग Application अँड्रॉइड आणि iOS च्या काही व्हर्जनवर काम करणे थांबवेल. iPhone 5 आणि iPhone 5c युजर्सना हार्डवेअर अपग्रेडचा सामना करावा लागू शकतो, कारण WhatsApp ला सपोर्ट करणारे iOS अपडेट इंस्टॉल करणे व्यावहारिकदृष्ट्या शक्य नाही.
WABetaInfo ने या वर्षाच्या सुरुवातीला सांगितले की, ‘दुर्दैवाने, काही अंतर्गत कारणांमुळे, WhatsApp आता येत्या काही महिन्यांत विशिष्ट iOS आवृत्त्यांसाठी सपोर्ट बंद करण्याची योजना आखत आहे: अहवालात एक स्क्रीनशॉट शेअर केला आहे, ज्यामध्ये ‘WhatsApp वापरणे सुरू ठेवण्यासाठी iOS च्या नवीन व्हर्जनवर अपडेट करा’ असे म्हटले आहे. WhatsApp २४ ऑक्टोबर 2022 नंतर iOS च्या या आवृत्तीला सपोर्ट करणे बंद करेल.
असे करा अपडेट
तुम्ही सेटिंग्जमध्ये जाऊन तुमचा iPhone iOS च्या नवीन आवृत्तीवर अपडेट करू शकता; जनरल आणि नंतर सॉफ्टवेअर अपडेट टॅप करा . WhatsApp ने त्यांच्या FAQ किंवा सपोर्ट पेजवर देखील माहिती दिली आहे की, त्यांच्या हँडसेटवर मेसेजिंग प्लॅटफॉर्म चालू ठेवण्यासाठी, आयफोन युजर्सना iOS 12 किंवा नवीन वर अपडेट करणे आवश्यक आहे. Android बद्दल सांगायचे तर ॲप अद्याप Android 4.1 किंवा त्यावरील चालणार्‍या डिव्हाइसेसना समर्थन देते.
