UP Election India TV Opinion Poll: उत्तर प्रदेश विधानसभा निवडणुकीपूर्वी ( UP Vidhan Sabha Election) , इंडिया टीव्ही- ग्राउंड झिरो रिसर्च टीमचा ओपिनियन पोल (Opinion Poll) आला आहे, ज्यामध्ये उत्तर प्रदेशमध्ये पुन्हा एकदा भाजपचे सरकार स्थापन होत आहे. योगी आदित्यनाथ (Yogi Adityanath) सरकार राज्यात पुनरागमन करताना दिसत आहेत. अवध आणि पूर्वांचल भागात भाजपला समाजवादी पक्षाकडून तगडी स्पर्धा आहे. सर्वेक्षणात भाजपच्या जागा कमी झाल्या असल्या तरी ते आरामात सरकार स्थापन करू शकतील असे दिसते. पश्चिम उत्तर प्रदेशपासून पूर्वांचलपर्यंत वेगवेगळ्या पक्षांना उपलब्ध जागा-
पश्चिम उत्तर प्रदेशमध्ये भाजपला 58 ते 62 जागा मिळू शकतात
पश्चिम उत्तर प्रदेश जिथे भाजपला जास्त फटका बसेल असा अंदाज वर्तवला जात होता पण इंडिया टीव्हीचा सर्व्हेत असे होताना दिसत नाही. पश्चिम यूपीमध्ये भाजपला 58 ते 62 जागा मिळू शकतात. दुसरीकडे समाजवादी पक्ष आणि आरएलडीला 34 ते 38 जागा मिळताना दिसत आहेत. बसपा 0 ते 2 आणि काँग्रेस आणि इतर खाते उघडताना दिसत नाही.
अवधमध्ये कोण पुढे, सपा की भाजप?
ओपिनियन पोलनुसार, अवधमधील एकूण 111 जागांपैकी भाजप युतीला 66 ते 68 जागा मिळताना दिसत आहेत. दुसरीकडे, सपा आघाडी 39 ते 41 जागा जिंकू शकते. या भागातही बसपाची कामगिरी चांगली नाही. या भागात बसपा आणि काँग्रेसला 1 ते 3 जागा मिळू शकतात.
रोहिलखंडातही भाजपा
या विभागात येणाऱ्या 52 जागांपैकी 22 ते 24 जागा भारतीय जनता पक्षाच्या खात्यात जाताना दिसत आहेत. त्याचवेळी समाजवादी पक्षाच्या खात्यात 28 ते 30 जागा जाऊ शकतात. इतर पक्षांना खातेही उघडता येणार नाही.
बुंदेलखंडमध्ये भाजपा
इंडिया टीव्हीच्या सर्वेक्षण अहवालात बुंदेलखंड भागात भाजपसमोर कोणताही पक्ष उभा असल्याचे दिसत नाही. या भागातून भाजपला 16 ते 18 जागा मिळण्याचा अंदाज आहे. त्याचवेळी समाजवादी पक्षाच्या खात्यात केवळ 1-3 जागा जाऊ शकतात. काँग्रेस आणि बसपा या दोन्ही पक्षांचे खाते उघडताना दिसत नाही.
पूर्वांचलमध्ये कोण पुढे, सपा आणि भाजपमध्ये तगडी लढत
योगी आदित्यनाथ पूर्वांचलमधील गोरखपूरमधून निवडणूक लढवल्याचा फायदा भाजपला मिळतोय का? इंडिया टीव्हीच्या सर्व्हे रिपोर्टनुसार भाजप आणि सपामध्ये अनेक जागांवर कडवी टक्कर आहे. सर्वेक्षण अहवालानुसार, पूर्वांचलमध्ये भाजप आघाडीला 74 ते 78 जागा मिळू शकतात. दुसरीकडे, सपा आघाडीला 40 ते 44 जागा आणि बसपा-काँग्रेस आणि इतरांना 1 ते 3 जागा मिळण्याची शक्यता आहे.
