जळगाव,दि.22: महाराष्ट्रातील जळगाव येथील परंडा रेल्वे स्थानकावर भीषण अपघात झाला आहे. पुष्पक एक्स्प्रेसमधून उतरलेल्या प्रवाशांना कर्नाटक एक्स्प्रेसने चिरडले. मिळालेल्या माहितीनुसार, पुष्पक एक्स्प्रेसमध्ये आग लागल्याची अफवा होती. यानंतर अनेकांनी ट्रेनमधून उड्या मारल्या. त्याचवेळी विरुद्ध दिशेने कर्नाटक एक्सप्रेस येत असल्याने अनेक प्रवाशांना कर्नाटक एक्सप्रेसची धडक बसली.
या भीषण अपघातात 8 जणांचा मृत्यू झाला आहे. जळगावपासून 20 किमी अंतरावर असलेल्या पुष्पक एक्स्प्रेसच्या काही प्रवाशांनी ट्रेनमध्ये आग लागल्याच्या अफवेमुळे ट्रेनमधून उड्या मारल्या. जिल्हा प्रशासनाचे अधिकारी घटनास्थळी रवाना झाले आहेत. प्राथमिक माहितीनुसार, पुष्पक एक्स्प्रेसमधील किमान 8 प्रवाशांनी उडी मारली आणि पलीकडून येणाऱ्या कर्नाटक एक्सप्रेसला धडक दिली. पुष्पक एक्सप्रेस लखनौहून मुंबईला जात होती.
B4 बोगीमध्ये स्पार्किंग झाल्याने पुष्पक एक्स्प्रेस थांबवण्यात आली. दरम्यान, ट्रेनला आग लागल्याची अफवा पसरली. लोकांनी घाईघाईने ट्रेनमधून उडी मारली आणि रुळावर आले. त्याचवेळी मनमाडहून भुसावळच्या दिशेने जाणारी कर्नाटक एक्स्प्रेस दुसऱ्या ट्रॅकवरून जात होती. कर्नाटक एक्स्प्रेसने या प्रवाशांना चिरडले. यामध्ये 8-10 जणांचा मृत्यू झाला.
