मुंबई,दि.21: हातावर हात देऊन बसले राहाल तर तुमच्या लेकीबाळींवर देखील हिजाब घालण्याची वेळ येईल असे वक्तव्य भाजपचे नेते डॉ.अनिल बोंडे (BJP LeaderAnil Bonde) यांनी केले आहे. वरुड-मोर्शी (Morshi-Warud) तालुक्यातील गावांमध्ये विविध ठिकाणी भेटी देत असतांना डॉ. अनिल बोंडे यांनी हे वक्तव्य केलं. यावेळी वर्ध्याचे भाजप खासदार रामदास तडस (Ramdas Tadas) हे देखील उपस्थित होते. आपण धार्मिक आहोत आणि भारत माता की जय म्हणतो असा विचार करून शांत बसलात तर इतर देशांमध्ये ज्याप्रमाणे हिजाब घालणे बंधनकरक आहे तशीच परिस्थिती पुढच्या तीस वर्षात आपल्या मुलींवर आली तर नवल वाटून घेऊ नका असंही डॉ. बोंडे यावेळी बोलताना म्हणाले.
अमरावती शहरात 13 नोव्हेंबर रोजी घडलेल्या घटनेमध्ये आम्ही होतो आणि आमच्या तरुणांनी समर्थपणे ताकद दाखवली. जिथे जिथे छत्रपती शिवाजी महाराजांनी राज्य केलं त्या ठिकाणची मंदिरं सुरक्षित राहिली इतर ठिकाणी मात्र मंदिराच्या बाजूला मस्जिद उभी झाली. म्हणून छत्रपती शिवाजी महाराज की जय म्हणताना आपली मुलं मजबूत राहिली पाहिजे हे देखील आपण लक्षात ठेवलं पाहिजे असे आवाहन डॉ. बोंडे यांनी यावेळी बोलताना केलं.
वक्तव्याचे आम्ही समर्थन करतो
यावर बोलताना भाजपचे आमदार प्रसाद लाड (Prasad Lad) म्हणाले की, अनिल बोंडे (Anil Bonde) यांच्या वक्तव्याचे आम्ही समर्थन करतो. त्यांचं वक्तव्य वादग्रस्त नाही तर विचार करायला लावणारं आहे. सरकार शिवजयंती वर निर्बंध लादत आहे. मिरवणुका काढण्यावर निर्बंध लादले जात असतील तर आमच्या भगिनीवर हिजाब घालण्याची वेळ येईल, असं लाड म्हणाले.
