Omicron: केंद्रीय आरोग्य सचिवांनी ओमिक्रॉन प्रकाराच्या धोक्याबाबत सहा राज्यांना पत्र लिहून चिंता व्यक्त केली आहे. या सहा राज्यांमध्ये केरळ, जम्मू-काश्मीर, तामिळनाडू, कर्नाटक, ओडिशा आणि मिझोराम यांचा समावेश आहे.
नवी दिल्ली,दि.4: दक्षिण आफ्रिकेत (South Africa) सापडलेला ओमिक्रॉन (Omicron) हा कोरोनाचा नवीन प्रकार आता जगातील 38 देशांमध्ये पोहोचला आहे. ₹भारतातही या नवीन कोरोना प्रकाराची लागण झालेले तीन लोक सापडले आहेत.याला आळा घालण्यासाठी सरकारने खबरदारी घेण्यास सुरुवात केली आहे. केंद्रीय आरोग्य सचिवांनी ओमिक्रॉन प्रकाराच्या धोक्याबाबत सहा राज्यांना पत्र लिहून चिंता व्यक्त केली आहे. या सहा राज्यांमध्ये केरळ, जम्मू-काश्मीर, तामिळनाडू, कर्नाटक, ओडिशा आणि मिझोराम यांचा समावेश आहे.
या राज्यांमध्ये कोरोनाच्या वाढत्या केसेसमुळे आरोग्य मंत्रालय चिंतेत आहे. केंद्राने राज्यांना चाचणी, ट्रॅक, उपचार, लसीकरण आणि कोविडचे योग्य वर्तन सुनिश्चित करण्याच्या सूचना दिल्या आहेत.
जम्मू-काश्मीरमधील चार जिल्ह्यांमध्ये कोरोनाचे नवीन रुग्ण वाढत आहेत. त्याचवेळी, तामिळनाडूतील तीन आणि कर्नाटकातील चार जिल्ह्यांमध्ये कोरोना बाधितांच्या संख्येत वाढ झाली आहे. अशीच काहीशी स्थिती ओडिशा आणि मिझोरामची आहे. येथेही आरोग्य मंत्रालयाने काही जिल्ह्यांमध्ये कोरोनाच्या नवीन रुग्णांमध्ये वाढ झाल्याबद्दल चिंता व्यक्त केली आहे.
