अक्कलकोट,दि.१३: पिंपरी चिंचवड पोलीस ठाण्याचे सहाय्यक पोलीस आयुक्त प्रशांत अमृतकर यांनी नुकतेच अक्कलकोट येथे येऊन श्री स्वामी समर्थांचे (shri swami samartha) दर्शन घेतले. यावेळी मंदिर समितीच्या वतीने त्यांचा सत्कार करण्यात आला. आपण श्री स्वामी समर्थांचे निस्सीम भक्त आहोत. स्वामी महाराजांची आपल्यावर अमाप कृपा आहे. स्वामी समर्थांच्या या कृपेचे ऋण फेडण्यासाठी आपण नियमित स्वामीभक्ती करतो असे मनोगत पिंपरी चिंचवड पोलीस ठाण्याचे सहाय्यक पोलीस आयुक्त प्रशांत अमृतकर यांनी व्यक्त केले.
श्री वटवृक्ष स्वामी महाराज मंदिरास भेट देऊन श्री स्वामी समर्थांचे (shri swami samartha) दर्शन घेतल्यानंतर त्यांचा सत्कार करण्यात आला. यावेळी मंदिर समितीच्या वतीने समितीचे चेअरमन व नगरसेवक महेश इंगळे यांनी त्यांचा श्री स्वामी समर्थांचे कृपावस्त्र, प्रसाद, प्रतिमा देऊन यथोचित सत्कार केला. यावेळी बोलताना अमृतकर यांनी आपल्या भावना व्यक्त केल्या. यावेळी मंदिर समितीचे सचिव आत्माराम घाटगे, विश्वस्त महेश गोगी, विपुल जाधव, श्रीशैल गवंडी, पोलीस हेड कॉन्स्टेबल आनंद घंटे, रवी मलवे, श्रीकांत मलवे, प्रसाद सोनार, जयसिंह इंगळे, सागर दळवी, काशिनाथ इंडे इत्यादी उपस्थित होते.
