नवी दिल्ली,दि.12: मंदिर-मशीदशी प्रकरणावर सर्वोच्च न्यायालयाने मोठा निर्णय दिला आहे. प्रार्थनास्थळ कायदा 1991 विरोधात दाखल याचिकांवर गुरुवारी सर्वोच्च न्यायालयात सुनावणी झाली. सरन्यायाधीश संजीव खन्ना म्हणाले की, या प्रकरणाच्या पुढील सुनावणीपर्यंत मंदिर-मशीदशी संबंधित कोणताही नवीन गुन्हा दाखल केला जाणार नाही. सरन्यायाधीश संजीव खन्ना, न्यायमूर्ती संजय कुमार आणि न्यायमूर्ती केव्ही विश्वनाथन यांच्या विशेष खंडपीठासमोर या प्रकरणाची सुनावणी झाली.
सुनावणीदरम्यान सरन्यायाधीश म्हणाले की, जोपर्यंत आम्ही सुनावणी घेत नाही आणि प्रकरण निकाली काढत नाही, तोपर्यंत मंदिर-मशिदीसंबंधी नवीन खटला दाखल करता येणार नाही. यावेळी त्यांनी केंद्राला प्रतिज्ञापत्र दाखल करण्याचे निर्देश दिले. सर्वोच्च न्यायालयाने या प्रकरणाच्या पुढील सुनावणीची तारीख निश्चित केली असून, तोपर्यंत परिस्थिती जैसे थे ठेवण्याचे निर्देश दिले आहेत.
कनिष्ठ न्यायालयाने कोणताही प्रभावी किंवा अंतिम आदेश देऊ नये, असेही सर्वोच्च न्यायालयाने म्हटले आहे. सर्वेक्षणाचे आदेशही देऊ नका. केंद्राने या कायद्यावर सर्वोच्च न्यायालयात मध्ये 4 आठवड्यांच्या आत उत्तर दाखल करावे.
याचिकाकर्त्याची बाजू मांडणारे अधिवक्ता राजू रामचंद्रन म्हणाले की, विविध न्यायालयात 10 दावे दाखल करण्यात आले असून त्यावरील पुढील सुनावणीला स्थगिती देण्याची गरज आहे. या मागणीला केंद्र सरकारने विरोध केला. मथुरा प्रकरणाचा संदर्भ देत सर्वोच्च न्यायालयाने सांगितले की, हे प्रकरण आणि इतर दोन खटले आधीच न्यायालयासमोर प्रलंबित आहेत. नवी खटला दाखल होणार नसला तरी, प्रलंबित प्रकरणांची सुनावणी सुरू राहणार असल्याचे कोर्टाने स्पष्ट केले आहे.
