मुंबई,दि.24: मुंबईतील कोर्ट रूममध्ये सुनावणीदरम्यान एका फाईलमध्ये साप आढळून आला. महाराष्ट्रातील मुंबईतील एका कोर्ट रूममधून एक विचित्र प्रकरण समोर आले आहे. जिथे सुनावणीदरम्यान कोर्टात फायलींच्या ढिगाऱ्यात साप आढळून आला. त्यामुळे न्यायालयाच्या दालनात एकच गोंधळ उडाला. त्यामुळे काही काळ कामकाज विस्कळीत झाले आणि न्यायाधीशही आपली खुर्ची सोडून उभे राहिले. मंगळवारी ही संपूर्ण घटना घडल्याचे सांगण्यात येत आहे.
एका वृत्तसंस्थेने दिलेल्या माहितीनुसार, दुपारपर्यंत मुलुंडमधील दंडाधिकारी न्यायालयाच्या खोली क्रमांक 27 मध्ये सामान्य कामकाज सुरू होते. दरम्यान, सुनावणी सुरू असताना एका पोलीस कर्मचाऱ्याने फायली तपासण्यास सुरुवात केली. तेव्हा त्याला फाईलमध्ये 2 फूट लांब साप दिसला. त्यानंतर त्यांनी फाईल फेकून दिली. त्यामुळे काही काळ गोंधळ उडाला.
कोर्ट रूममध्ये उपस्थित असलेल्या एका वकिलाने सांगितले की, या घटनेमुळे कोर्ट रूममध्ये उपस्थित लोकांमध्ये घबराट पसरली, त्यामुळे न्यायाधीशांना काही काळ कामकाज थांबवावे लागले. सर्प पकडणाऱ्यांना घटनास्थळी पाचारण करण्यात आले आणि त्यांनी जुन्या फायलींनी भरलेल्या न्यायालयाच्या खोलीची आणि भिंती आणि फरशीवरील छिद्रांची झडती घेतली. मात्र साप सापडला नाही.
