मुंबई,दि.१९: Sameer Wankhede On Shah Rukh Khan: आर्यन खान प्रकरणात मोठा खुलासा. समीर वानखेडे आणि शाहरुख खानचे चॅट समोर आले आहे. सीबीआयने एनसीबीचे अधिकारी समीर वानखेडे यांच्याविरोधात गुन्हा दाखल केला. यानंतर वानखेडेंवर अटकेची टांगती तलवार आहे. या पार्श्वभूमीवर समीर वानखेडे यांनी सीबीआयने दाखल केलेला गुन्हा रद्द व्हावा आणि अंतरिम संरक्षण मिळावं म्हणून मुंबई उच्च न्यायालयात धाव घेतली. त्यांनी दाखल केलेल्या याचिकेत अनेक गौप्यस्फोट करण्यात आले आहेत.
आर्यन खान प्रकरणात मोठा खुलासा | Sameer Wankhede On Shah Rukh Khan
आर्यन खानला अटक झाल्यानंतर शाहरूख खानने समीर वानखेडेंना केलेल्या टेक्स्ट आणि व्हॉट्सॲप मेसेजचे स्क्रिनशॉट याचिकेबरोबर जोडण्यात आले आहेत. यानुसार आर्यन खान प्रकरणात समीर वानखेडे आणि शाहरूख खान यांचं संभाषण झालं होतं. यात शाहरूखने आर्यनच्या सुटकेसाठी समीर वानखेडेंकडे सहकार्याची विनंती केल्याचा उल्लेख आहे.
शाहरूख खान आणि समीर वानखेडेंमधील चॅटमध्ये नेमकं काय?
वानखेडेंनी मुंबई उच्च न्यायालयात केलेल्या याचिकेत मोठा गौप्यस्फोट केला. शाहरूखने केलेल्या मेसेजचा स्क्रिनशॉटही न्यायालयासमोर ठेवला. यानुसार, शाहरूख खान समीर वानखेडेंना म्हणाला की, कृपया मला कॉल कर. मी आर्यन खानचा वडील म्हणून तुझ्याशी बोलेन. तू चांगला माणूस आहे, एक चांगला पतीदेखील आहेस आणि मीदेखील.
मी तुझ्याकडे भीक मागतो…
“कायद्यात राहून माझ्या कुटुंबासाठी मी तुझ्याकडे मदत मागत आहे. मी तुझ्याकडे भीक मागतो. माझ्या मुलाला तुरुंगात जाऊ देऊ नको. तुरुंगात गेल्यामुळे माणूस खचून जातो. तू मला वचन दिलं आहेस की, माझ्या मुलाला बदलून टाकशील. माझ्यावर आणि माझ्या कुटुंबावर दया कर. माझ्या मुलाला घरी पाठव. मी तुझ्याकडे एक वडील म्हणून भीक मागतो,” असं शाहरूखने म्हटलं.
शाहरूख मी तुला…
यावर चॅटमध्ये समीर वानखेडे म्हणतात, “शाहरूख खान मी तुला चांगला माणूस म्हणून ओळखतो. जे होईल ते चांगलं होईल. तू तुझी काळजी घे.”
