दि.6: राजस्थानच्या चित्तौडगडचे एसएचओ (station house officer) संजय गुर्जर (Bhainsrogarh SHO Sanjay Gurjar) यांनी सत्ताधारी पक्षाचे आमदार राजेंद्र सिंह बिधुरी (MLA Rajendra Singh Bidhuri) यांच्या विरोधात ACJM न्यायालयात तक्रार दाखल केली असून, आमदाराने गुन्हेगारी गैरव्यवहाराच्या प्रकरणात एका व्यक्तीला अटक करण्याचा त्यांच्यावर दबाव आणला आणि शिवीगाळ केली. चित्तौडगडचे आमदार राजेंद्र सिंह बिधुरी (Rajendra Singh Bidhuri) यांची 7.37 मिनिटांची ऑडिओ क्लिप (audio clip) व्हायरल होत आहे ज्यामध्ये ते भैंसरोदगड पोलीस स्टेशनचे एसएचओ संजय गुर्जर (Bhainsrogarh SHO Sanjay Gurjar) यांना 100 हून अधिक वेळा शिवीगाळ करताना ऐकू येत आहेत.
शुक्रवारी भैंसरोदगड पोलीस स्टेशनचे एसएचओ संजय कुमार आणि बेगुन, चित्तौडगडचे काँग्रेस आमदार राजेंद्र सिंह बिधुरी यांच्यात फोनवर चर्चा झाली होती. मात्र, या संपूर्ण प्रकरणावर आमदार म्हणाले, ‘ऑडिओमध्ये छेडछाड करण्यात आली आहे, मी कधीही शिवीगाळ केली नाही.’ सभागृहातही विरोधी पक्ष भाजपने यावर गदारोळ केला आणि या प्रकरणाच्या चौकशीची मागणी केली.
मिळालेल्या माहितीनुसार, शनिवारी जारी करण्यात आलेल्या पोलिसांनी दिलेल्या निवेदनात नमूद केले आहे की, एसएचओ संजय कुमार यांचा जबाब अतिरिक्त मुख्य न्यायदंडाधिकारी, रावतभाटा यांच्या न्यायालयात नोंदवण्यात आला असून या प्रकरणाची पुढील सुनावणी 7 मार्च रोजी निश्चित करण्यात आली आहे.
तत्पूर्वी, एसएचओने आमदाराविरुद्ध चित्तौडगडच्या पोलिस अधीक्षक प्रीती जैन यांना लेखी तक्रार दिली होती आणि त्यांची पोलिस लाइनमध्ये बदली करण्याची विनंती केली होती.
