Prophecy: जगात एकापेक्षा एक ज्योतिषी आहेत. पण भारतातील एक ज्योतिषी (Astrologer) असे देखील आहेत ज्यांनी 16 महिने आधीच युरोपियन देशांमध्ये युद्धाची भविष्यवाणी (Prophecy) केली होती. त्यांचा हा अंदाज एका पुस्तकात प्रसिद्ध झाला असून, त्याचा फोटो सोशल मीडियावर व्हायरल झाला आहे.
युक्रेनवर रशियाचे हल्ले (Russia Ukraine War) सुरूच आहेत. युक्रेनमध्ये आजूबाजूला फक्त विध्वंस दिसत आहे. जेव्हा रशियाने युक्रेनवर हल्ला केला तेव्हा रशियाला वाटले होते की हे युद्ध लवकरच संपेल, पण युक्रेनचे सैन्यही खंबीरपणे लढत आहे. जगातील प्रसिद्ध भविष्यवक्ता बाबा वेंगा यांनी रशियाबाबत एक भविष्यवाणी केली होती, ज्यामध्ये रशियासमोर कोणीही टिकणार नाही, असे सांगितले होते, ते खरे ठरताना दिसत आहे.
अशातच भारतातील एका ज्योतिषाने 16 महिन्यांपूर्वी युरोपमध्ये युद्धाची भविष्यवाणी केली होती, जी खरी ठरली आहे. त्यांनी हा अंदाज एका पुस्तकात लिहिला, ज्याचा फोटो चांगलाच व्हायरल होत आहे. हे ज्योतिषी कोण आहेत, त्यांनी काय भाकीत केले होते, युद्धाचे कारण काय होते, याविषयी आपण पुढे जाणून घेऊ.
रशिया-युक्रेन युद्धाची भविष्यवाणी करणारे भारतीय ज्योतिषी कोण आहेत?
रशिया-युक्रेन युद्धाची (Russia-Ukraine War) भविष्यवाणी करणाऱ्या भारतीय ज्योतिषाचे नाव पंडित इंदू शेखर शर्मा आहे, ते पंजाबमधील कुरळी (ग्रेटर मोहाली) येथील आहेत. त्याने 16 महिन्यांपूर्वी युरोपियन देशांमध्ये युद्धाची भविष्यवाणी केली होती. ऑक्टोबर 2020 मध्ये प्रकाशित झालेल्या ‘वार्षिक ज्योतिषीय भविष्यवाणी’ (पंचांग) या पुस्तकात त्यांनी ही भविष्यवाणी प्रकाशित केली होती. 80 वर्षीय पंडित इंदू शेखर शर्मा यांचे कुटुंब गेल्या 95 वर्षांपासून या पुस्तकाचे प्रकाशन करत आहे.
‘युरोपियन देशांची वार्षिक कुंडली’ नावाच्या या पुस्तकात त्यांनी भाकीत केले आहे की “26 फेब्रुवारी ते 7 एप्रिल 2022 दरम्यान मकर राशीत शनि आणि मंगळाच्या उपस्थितीमुळे युद्ध होईल. यामुळे जगाची शांतता बिघडू शकते. ते पृष्ठ क्रमांक 54वर छापण्यात आले होते. या पुस्तकातील त्या पृष्ठाचे फोटो खूप शेअर केले जात आहेत.
ग्रहांमुळे युद्ध
पंडित इंदू शेखर शर्मा म्हणतात की मकर राशीमध्ये शनि आणि मंगळासह 2 ग्रहांच्या उपस्थितीमुळे नेहमीच संघर्ष होतो. भारताची राशी मकर आहे, जी बलवान आहे. त्यामुळे भारत मध्यममार्ग काढत असून वादात अडकलेला नाही. हा संघर्ष मार्चच्या मध्यापर्यंत चालू शकतो, पण जर नाटो आणि अमेरिकेसारख्या देशांनी हस्तक्षेप केला नाही तर तो दीर्घकाळ टिकू शकतो. भारत आणि पाकिस्तान यांच्यातील संबंधांवर याचा कमीत कमी परिणाम होईल, असेही ते पुढे म्हणाले.
मुलाने युक्रेनमधून केले MBBS
पंडित इंदू शेखर शर्मा यांचा मुलगा आशुतोष शर्मा यानेही युक्रेन विद्यापीठातून एमबीबीएसची (MBBS) पदवी प्राप्त केली आहे. त्यांचे कुटुंब संस्कृत आणि हिंदी या दोन भाषांमध्ये वार्षिक ज्योतिषीय भविष्यवाण्यांचे पुस्तक प्रकाशित करत आहे. 2020 पर्यंत हे पुस्तक उर्दू भाषेतही प्रकाशित झाले होते. पंडित इंदू शेखर शर्मा यांचा अंदाज चर्चेत येण्याची ही पहिलीच वेळ नाही, असे सांगितले जात आहे. यापूर्वी त्यांनी कारगिल युद्धाव्यतिरिक्त लाल बहादूर शास्त्री आणि अटलबिहारी वाजपेयी यांच्या कार्यकाळाचे भाकीत केले होते, ते खरे ठरले.
ज्योतिषी इंदू शेखर शर्मा यांनी सांगितले की, त्यांचे वडीलही राजा महाराजांसोबत राज ज्योतिष म्हणून काम करायचे. त्यावेळी महाराज पटियाला, महाराजा बिलासपूरपासून महाराजांपर्यंत अनेक राजे ज्योतिषशास्त्राचा फायदा घेऊन पुढे आपली रणनीती तयार करत असत. सोलनच्या महाराजांनी त्यांच्या वडिलांना राज ज्योतिषी ही पदवी दिली होती.
