दि.25 : पंतप्रधान नरेंद्र मोदी हे जगातील सर्वाधिक लोकप्रिय नेते आहेत. त्यांनी घेतलेल्या अनेक निर्णयांमुळे ते नेहमीच चर्चेत राहिले आहेत. पंतप्रधान नरेंद्र मोदी यांची निव्वळ संपत्ती 3.7 कोटी आहे, जी गेल्या वर्षीच्या 2.85 कोटींच्या तुलनेत 22 लाखांनी वाढली आहे. अधिकृत आकडेवारीनुसार, त्यांनी आपल्या घोषणेमध्ये याचा उल्लेख केला आहे.
पंतप्रधान मोदींचीही अनेक मंत्र्यांप्रमाणे शेअर बाजारात कोणतीही गुंतवणूक नाही. त्यांची गुंतवणूक राष्ट्रीय बचत प्रमाणपत्रात 8.9 लाख रुपये, जीवन विमा पॉलिसीमध्ये 1.5 लाख आणि एल अँड टी इन्फ्रास्ट्रक्चर बाँड आहेत जे त्यांनी 2012 मध्ये 20,000 रुपयांना खरेदी केले.
2014 मध्ये पंतप्रधान झाल्यापासून मोदींनी कोणतीही नवीन मालमत्ता खरेदी केलेली नाही. त्यांची एकमेव निवासी मालमत्ता ज्याची किंमत 1.1 कोटी रुपये आहे जी त्यांनी 2002 मध्ये खरेदी केली असली तरी ती संयुक्त मालमत्ता आहे आणि पंतप्रधानांकडे फक्त एक चतुर्थांश मालकी आहे. हिंदुस्तान टाइम्सच्या बातमीनुसार, 14,125 स्क्वेअर फूटच्या एकूण मालमत्तेपैकी मोदींचा हक्क फक्त 3,531 चौरस फूटांवर आहे.
पंतप्रधानांच्या संपत्तीत झालेली वाढ मुख्यतः भारतीय स्टेट बँकेच्या गांधीनगर शाखेत त्यांच्या मुदत ठेवींमुळे आहे. पंतप्रधानांनी दाखल केलेल्या स्वयं-घोषणेनुसार, 31 मार्च रोजी मुदत ठेवींची रक्कम 1.86 कोटी रुपये होती. जी गेल्या वर्षी 1.6 कोटी रुपये होती.
