मुंबई,दि.3: गुंतवणुकीच्या आमिषाने नवीन सायबर घोटाळा करण्यात येत आहे. शेअर मार्केटच्या नावाने फसवणूक करण्याचे प्रमाण वाढले आहे. सायबर घोटाळ्यांशी संबंधित घटनांमध्ये सातत्याने वाढ होत आहे. फसवणूक करणारे निरपराध लोकांना अडकवण्यासाठी नवनवीन पद्धती अवलंबत आहेत. याच संदर्भात ‘पिग बुचरिंग स्कॅम’ किंवा ‘इन्व्हेस्टमेंट स्कॅम’ नावाची नवी सायबर फसवणूक उघडकीस आली आहे. ज्यामध्ये लोक रोज फसत आहेत आणि स्वतःचे नुकसान करत आहेत.
समस्या अशी आहे की बहुतांशी बेरोजगार तरुण, विवाहित महिला, विद्यार्थी आणि गरजू लोकांना लक्ष्य केले जात आहे. हा घोटाळा काय आहे आणि आपण यापासून स्वतःला कसे सुरक्षित ठेवू शकता?
सोशल मीडियाचा वापर
गृह मंत्रालयाच्या ताज्या वार्षिक अहवालात या घोटाळ्याची माहिती देण्यात आली आहे. सायबर गुन्हेगार गुगल, फेसबुक आणि व्हॉट्सॲपसारख्या सोशल मीडिया प्लॅटफॉर्मचा वापर करत असल्याचे अहवालात म्हटले आहे. गुगल जाहिरात प्लॅटफॉर्म हा जाहिरातींसाठी एक सोपा मार्ग असतो.
काय आहे ‘पिग बुचरिंग स्कॅम’
‘पिग बुचरिंग स्कॅम’ किंवा ‘इन्व्हेस्टमेंट स्कॅम’ या नावाने ओळखला जाणारा हा घोटाळा जागतिक स्तरावर घडलेला आहे. यामध्ये मोठ्या प्रमाणात मनी लॉन्ड्रिंग आणि अगदी सायबर गुलामगिरीचा समावेश आहे. असे मानले जाते की हा घोटाळा 2016 मध्ये चीनमध्ये सुरू झाला होता, ज्या अंतर्गत निष्पाप लोकांचा विश्वास जिंकून फसवणूक केली जाते. भारतातील सायबर गुन्हेगारांसाठी व्हॉट्सॲप हे सर्वात मोठे माध्यम आहे. यात गुन्हेगार त्यांना जाळ्यात ओढतात आणि त्यांना शेवटी क्रिप्टोकरन्सी किंवा इतर काही आकर्षक योजनेत गुंतवणूक करण्यास भाग पाडतात. यानंतर त्यांची रक्कम हडपली जाते.
या धोक्याला आळा घालण्यासाठी, गृह मंत्रालयाच्या भारतीय सायबर क्राइम कोऑर्डिनेशन सेंटरने तत्काळ कारवाईसाठी वेळोवेळी धोक्याचा इशारा, माहिती शेअर करण्यासाठी Google सोबत भागीदारी केली आहे. अहवालात म्हटले आहे की व्हॉट्सॲप हे भारतातील सायबर गुन्हेगारांद्वारे संभाव्यतः गैरवापर करणारे सर्वात मोठे इंटरनेट मीडिया प्लॅटफॉर्म आहे.
सायबर गुन्ह्यांच्या तक्रारी, जेथे बिग टेक प्लॅटफॉर्मचा गैरवापर झाला आहे. या विषयावर आधारित अहवालात प्रकाशित झालेल्या आकडेवारीवरून असे दिसून आले आहे की मार्च २०२४ पर्यंत १४७४६ तक्रारी व्हॉट्सॲपशी संबंधित होत्या.
