बेंगळुरू,दि.22: राम मंदिराबाबत फेसबुकवर आक्षेपार्ह पोस्ट केल्याप्रकरणी एकाला अटक करण्यात आली आहे. अयोध्येतील राम मंदिरातील मूर्तीच्या प्रतिष्ठापना कार्यक्रमाचा देशभरात उत्साह आहे. केवळ हिंदूच नाही तर रामावर श्रद्धा असलेल्या प्रत्येक धर्माचे लोक यानिमित्ताने उत्साहात आहेत. या सगळ्यात कर्नाटकातील गदग जिल्ह्यात एका तरुणाने आक्षेपार्ह पोस्ट केल्याचा प्रकार समोर येताच हिंदू संघटना संतप्त झाल्या आहेत.
लोकांनी फेसबुकवर व्हायरल झालेल्या या पोस्टबाबत तक्रार दाखल केली. एका तरुणाने राम मंदिराचा फोटो एडिट करून त्यावर पाकिस्तानचे तीन झेंडे लावल्याचे त्यांनी सांगितले. एवढेच नाही तर त्यावर बाबरी मशीद लिहून व्हायरलही करण्यात आले.
प्रकरणाचे गांभीर्य ओळखून पोलिसांनी कारवाई करत आरोपीची ओळख पटवून त्याला अटक केली. पोलिसांनी आरोपीची पोस्ट हटवली असून पुढील तपास व चौकशी करत आहेत. गदगचे एसपी बाबासाहेब नेमगौड यांनी सांगितले की, आरोपी ताजुद्दीन दादेदार हा गदग भागातील रहिवासी आहे. आम्ही त्याला ताब्यात घेतले आहे. या संदर्भात अधिक माहिती संकलित करण्यात येत आहे.
