सोलापूर,दि.2: Mussoorie Bus Accident: मसुरी-डेहरादून रस्त्यावर रविवारी दुपारी भीषण अपघात झाला. रोडवेजची बस दरीत कोसळली, ज्यामध्ये 35 हून अधिक लोक प्रवास करत होते. पोलिसांनी दिलेल्या माहितीनुसार, या अपघातात (Accident News) आतापर्यंत दोघांचा मृत्यू झाला आहे. पोलीस आणि आयटीबीपीच्या जवानांसह स्थानिक लोक जखमींना मदत व बचावकार्य करण्यात व्यस्त आहेत. तीन जण गंभीर जखमी आहेत. तर 19 जखमींना डेहराडूनला पाठवण्यात आले आहे.
बसचा भीषण अपघात | Mussoorie Bus Accident
आतापर्यंत मिळालेल्या माहितीनुसार, मसुरी डेहरादून हायवेवर शेरगडीजवळ मसुरीच्या पाच किमी आधी बसचा अपघात झाला. या वेदनादायक अपघाताची माहिती मिळताच पोलीस-प्रशासनाचे पथक घटनास्थळी मदत-बचावाच्या कामात गुंतले आहे. बस मसुरीहून डेहरादूनला परतत असताना शेरगडीजवळ 100 मीटर खोल दरीत कोसळली. अपघातामुळे दोन्ही बाजूला वाहनांच्या लांबच लांब रांगा लागल्या आहेत.
दुपारी 12 नंतर अपघाताचे वृत्त समोर आले होते | Accident News
बस खड्ड्यात (दरीत) पडल्याचा आवाज ऐकताच स्थानिकांनी मदतीसाठी धाव घेतली. खड्ड्यात उतरून जखमींना तातडीने बाहेर काढण्याचे काम सुरू करण्यात आले.
मात्र, जखमींना खड्ड्यातून बाहेर काढण्यासाठी लोकांना मोठी कसरत करावी लागली.
