मुंबई,दि.22: Mumbai Crime: माणुसकीला काळिमा फासणारी घटना घडली आहे. 3 अल्पवयीन मुलांनी मनोरुग्ण मुलीवर बलात्कार केला आहे. मुंबईच्या घाटकोपरमध्ये ही घटना घडली आहे. मनोरुग्ण मुलीवर तीन अल्पवयीन मुलांनी बलात्कार केला आहे. सार्वजनिक शौचालयात या मुलीवर अत्याचार करण्यात आले. या तीन मुलांनी व्हिडिओ रेकॉर्ड करून सोशल मीडियावर अपलोड केला. टाईम्स ऑफ इंडियाने दिलेल्या वृत्तानुसार मुंबई पोलिसांनी तात्काळ कारवाई करत तिन्ही आरोपींना अटक करून बाल सुधार गृहात पाठवलं.
अत्याचार करून व्हिडिओ केला रेकॉर्ड | Mumbai Crime
पोलिसांनी दिलेल्या माहितीनुसार शुक्रवारी याबाबतची माहिती मिळाली. सार्वजनिक शौचालयात गेले असताना तीन जण आतमध्ये आले आणि त्यांनी अत्याचार केला तसंच याचा व्हिडिओ रेकॉर्ड केला, अशी तक्रार मुलीने पोलिसांकडे केली. यानंतर तिघांनी हा व्हिडिओ सोशल मीडियावर अपलोड केला. व्हिडिओबद्दल कळल्यानंतर मुलीच्या भावाने कुटुंबाला या घटनेबाबत माहिती दिली.
आरोपींना अटक करून बालसुधार गृहात रवानगी
या प्रकरणी घाटकोपर पोलिसांनी आयपीसी कलम 376, 376 (जे) (एल), 323, 500, 34 आणि पॉक्सो कलम 4, IT कलम 66 (ई) 67 (बी) अंतर्गत गुन्हा दाखल केला आहे. या तीनही आरोपींना अटक करून बालसुधार गृहात पाठवण्यात आलं आहे.
