Karnataka Hijab Row: कर्नाटक सरकारची बाजू मांडणारे ॲटर्नी जनरल म्हणाले की, हिजाब प्रकरणी दाखल करण्यात आलेल्या सर्व याचिका चुकीच्या आहेत. या याचिकांमध्ये सरकारच्या आदेशावर प्रश्नचिन्ह उपस्थित करण्यात आले आहेत. तर सरकारने सर्व संस्थांना स्वायत्तता दिली आहे. यावर राज्य निर्णय घेत नाही. या प्रकरणात, प्रथमदर्शनी प्रकरण केले जाऊ शकत नाही.
हिजाब वादावर बुधवारी कर्नाटक उच्च न्यायालयात सुनावणी झाली. दरम्यान, या प्रकरणाची सुनावणी करणारे कर्नाटक उच्च न्यायालयाचे न्यायमूर्ती कृष्णा दीक्षित यांनी हे प्रकरण मोठ्या खंडपीठाकडे पाठवण्याचा निर्णय घेतला आहे. न्यायमूर्ती दीक्षित म्हणाले, या प्रकरणात अंतरिम दिलासा देण्याच्या प्रश्नावरही मोठ्या खंडपीठाकडून विचार केला जाईल.
महाविद्यालयांमध्ये हिजाबला परवानगी न देण्याविरोधात कर्नाटक उच्च न्यायालयात याचिका दाखल करण्यात आल्या आहेत. कर्नाटक उच्च न्यायालयातही मंगळवारी सुनावणी झाली. न्यायालयाच्या एकल खंडपीठाने बुधवारी हे प्रकरण मोठ्या खंडपीठाकडे पाठवण्याचा निर्णय घेतला आहे. हे प्रकरण अत्यंत गंभीर असून ते मोठ्या खंडपीठाकडे पाठवण्याची गरज असल्याचा युक्तिवाद याचिकाकर्त्यांच्या वतीने न्यायालयात करण्यात आला.
कर्नाटक सरकारने याचिकांना विरोध केला
तत्पूर्वी, कर्नाटक सरकारची बाजू मांडताना ॲटर्नी जनरल म्हणाले की, या प्रकरणी दाखल करण्यात आलेल्या सर्व याचिका चुकीच्या आहेत. या याचिकांमध्ये सरकारच्या GOवर (आदेश) प्रश्नचिन्ह उपस्थित करण्यात आले आहेत. तर सरकारने सर्व संस्थांना स्वायत्तता दिली आहे. यावर राज्य निर्णय घेत नाही. शिक्षण संस्थांना निर्णय घेण्याचा अधिकार आहे यात राज्य सरकार हस्तक्षेप करत नाही. या प्रकरणात, प्रथमदर्शनी प्रकरण केले जाऊ शकत नाही.
काय आहे प्रकरण?
कर्नाटक सरकारने कर्नाटक शिक्षण कायदा-1983 चे कलम 133 राज्यात लागू केले आहे. त्यामुळे आता सर्व शाळा आणि महाविद्यालयांमध्ये गणवेश अनिवार्य करण्यात आला आहे. याअंतर्गत सरकारी शाळा आणि महाविद्यालयांमध्ये निश्चित गणवेश परिधान केला जाईल, खासगी शाळांनाही स्वतःचा गणवेश निवडता येईल.
या निर्णयावरून गेल्या महिन्यात, जानेवारी महिन्यात उडुपी येथील एका सरकारी महाविद्यालयातील 6 विद्यार्थिनींनी हिजाब परिधान करून महाविद्यालयात प्रवेश घेतल्याने वाद सुरू झाला होता. कॉलेज प्रशासनाने विद्यार्थिनींना हिजाब घालण्यास मनाई केली होती, परंतु तरीही त्यांनी तो परिधान केला होता, यावरून वाद निर्माण झाला होता. या वादानंतर इतर कॉलेजांमध्येही हिजाबबाबत गोंधळ सुरू झाला.
