नवी दिल्ली,दि.5: Exit Poll 2022: देशातील गुजरात आणि हिमाचल प्रदेश या दोन राज्यांमधून 8 डिसेंबर रोजी येणार्‍या निवडणूक निकालांबाबत तसेच MCD निवडणुकीच्या एक्झिट पोलच्या (Exit Poll 2022) संदर्भात परिस्थिती बर्‍याच अंशी स्पष्ट झाली आहे. अनेक एक्झिट पोलने गुजरात आणि हिमाचल प्रदेशमध्ये भाजपला पुन्हा बहुमत दिले असताना, 15 वर्षांनंतर झालेल्या एमसीडी निवडणुकीत भाजपचा पराभव होताना दिसत आहे. एमसीडी निवडणुकांबाबत अनेक एक्झिट पोलमध्ये ‘आप’ला 170 जागा देण्यात आल्या आहेत.
गुजरातमध्ये शेवटच्या टप्प्याचे मतदान पूर्ण
गुजरातमधील विधानसभेच्या 93 जागांसाठी सोमवारी दुसऱ्या आणि शेवटच्या टप्प्यातील मतदान पूर्ण झाले. याआधी 1 डिसेंबरला राज्यातील 89 जागांसाठी मतदान झाले होते. हिमाचल प्रदेशमध्ये १२ नोव्हेंबरला एकाच टप्प्यात मतदान झाले. दोन्ही राज्यांतील मतमोजणी म्हणजेच निवडणुकीचे निकाल गुरुवारी, 8 डिसेंबर रोजी जाहीर होणार आहेत. याशिवाय, रविवार, 4 डिसेंबर रोजी दिल्ली महानगरपालिका (एमसीडी) साठी देखील मतदान झाले, ज्याचा निकाल बुधवार, 7 डिसेंबर रोजी घोषित केला जाईल.
TV9 Bharat Varsh Gujarat Exit Polls:
TV9 Bharatvarsh च्या एक्झिट पोलमध्ये गुजरात निवडणुकीत भाजपला 125-130 जागा मिळण्याचा अंदाज वर्तवण्यात आला आहे. त्याचबरोबर काँग्रेसला 40 ते 50 जागा आणि ‘आप’ला केवळ 3-5 जागा मिळतील, तर इतरांना 3 ते 7 जागा मिळतील, असा अंदाज वर्तवण्यात आला आहे.
Republic Gujarat Exit Polls:
रिपब्लिक न्यूजच्या एक्झिट पोलमध्ये भाजप पूर्ण बहुमताने पुन्हा सत्तेत येण्याचा अंदाज वर्तवण्यात आला आहे. एक्झिट पोलनुसार, भाजपला 128 ते 148 जागा, काँग्रेसला 30-42 जागा, आप 2 ते 10 जागा, तर इतरांना 0 ते 3 जागा मिळण्याची अपेक्षा आहे.
NewsX Jan Ki Baat Gujarat Exit Polls:
न्यूज एक्स आणि जन की बातच्या एक्झिट पोलने भाजपला पूर्ण बहुमताचा अंदाज वर्तवला आहे. एक्झिट पोलनुसार, भाजपला 117 ते 140 जागा, काँग्रेसला 34-51 जागा, आप 6 ते 13 जागा, तर इतरांना 1 ते 2 जागा मिळण्याची अपेक्षा आहे.
Exit Polls Gujarat 2022:
काँग्रेसने गुजरातमध्ये 1962, 1967 आणि 1972 मध्ये पहिल्या तीन विधानसभा निवडणुका जिंकल्या. 1975 मध्ये आणीबाणी लागू झाल्यानंतर लढलेल्या निवडणुकांमध्ये मोरारजी देसाई यांच्या नेतृत्वाखालील पक्षांच्या आघाडीने, काँग्रेसचे बंडखोर नेते चिमणभाई पटेल यांच्या नेतृत्वाखालील जनसंघ आणि किसान मजदूर पक्षाचा पराभव केला. त्यानंतर 1980 आणि 1985 च्या निवडणुका काँग्रेसने जिंकल्या. 1990 च्या निवडणुकीत जनता दल आणि भाजप एक मजबूत शक्ती म्हणून उदयास आले. 1995 नंतर झालेल्या सर्व निवडणुका भाजपने जिंकल्या आहेत.
