PF Withdrawal Procedure: कोरोना संकटाच्या (Corona Crisis) काळात वैद्यकीय आपत्कालीन स्थितीत अडकल्यास कर्मचारी एका दिवसात (एका तासाच्या आत) भविष्य निर्वाह निधीतून (EPF) एक लाख रुपये काढू शकतात. ईपीएफओ सदस्य आवश्यक असल्यास कोणतीही कागदपत्रे सादर न करता त्यांच्या पीएफ खात्यातून 1 लाख रुपये काढू शकतात. EPFO ही सुविधा पगारदारांना मेडिकल ॲडव्हान्स क्लेम अंतर्गत देत आहे. EPFO ने एक अधिसूचना जारी करून ही माहिती दिली आहे.
या अटींवर मिळते सुविधा
वैद्यकीय ॲडव्हान्स दावा करणाऱ्या कर्मचाऱ्याच्या कुटुंबातील रुग्णाला सरकारी रुग्णालयात दाखल केलेले असावे. तातडीच्या स्थितीत खासगी रुग्णालयात दाखल केले असेल, तर यासंदर्भात चौकशी केली जाईल. त्यानंतरच तुम्ही वैद्यकीय दाव्यासाठी अर्ज भरू शकता. या सुविधेअंतर्गत तुम्ही फक्त एक लाख रुपयांपर्यंत ॲडव्हान्स काढू शकता. जर तुम्ही वर्किंग डेजमध्ये अर्ज करत असाल तर दुसऱ्याच दिवशी तुमचे पैसे तुमच्या खात्यात जमा होतील. हे पैसे कर्मचार्‍यांच्या खात्यात किंवा थेट हॉस्पिटलमध्ये हस्तांतरित केले जाऊ शकतात. रुग्णालयातून डिस्चार्ज मिळाल्यानंतर 45 दिवसांच्या आत मेडिकल स्लिप जमा करावी लागते. तुमचे अंतिम बिल आगाऊ रकमेवर ॲडजस्ट केले जाते.
याप्रमाणे करा अर्ज
EPFO वेबसाइटवर ॲडव्हान्ससाठी http://www.epfindia.gov.in ऑनलाइन अर्ज करावा लागेल. सर्वप्रथम, येथे तुम्हाला Online Services वर क्लिक करावे लागेल
आता तुम्हाला क्लेम फॉर्म (फॉर्म -31,19,10 सी आणि 10 डी) भरावा लागेल.
यानंतर, तुम्हाला तुमच्या बँक खात्यातील शेवटचे 4 अंक भरून पडताळणी करावी लागेल.
आता तुम्हाला Proceed for Online Claim वर क्लिक करावे लागेल.
पीएफ ॲडव्हान्स सिलेक्ट करा (फॉर्म 31)
यानंतर तुम्हाला पैसे काढण्याचे कारणही द्यावे लागेल. आता तुम्हाला रक्कम टाकावी लागेल आणि चेकची स्कॅन कॉपी अपलोड करावी लागेल
त्यानंतर तुमचा पत्ता टाका
त्यानंतर Get Aadhar OTP वर क्लिक करा आणि आधार लिंक केलेल्या मोबाईलवर मिळालेला OTP टाका
आता तुमचा क्लेम दाखल केला जाईल
