बंगळूरू,दि.19: माहिती जाणून घेण्यासाठी अनेकजण Google सर्च इंजिनचा वापर करतात. आपल्याला काही महत्त्वाची माहिती जाणून घ्यायची असेल, खरेदी करायची असेल किंवा फक्त बातम्या पहायच्या असतील तर आपण प्रथम सर्च इंजिन गुगलकडे वळतो. याशिवाय कुठेतरी जाताना योग्य मार्ग शोधण्यासाठी आपण गुगल मॅपचाही भरपूर वापर करतो. मात्र, या गुगल मॅपमुळे अनेकवेळा लोक अरुंद गल्ल्यांमध्ये तर कधी अन्य अडचणीत अडकतात.
Google Map ही जगातील सर्वात लोकप्रिय डिजिटल नकाशा सेवा आहे परंतु जुना डेटा किंवा GPS समस्यांमुळे ती अनेकदा चुकीची माहिती देते. अशा परिस्थितीत नुकतेच कर्नाटकातील कोडागु येथे दिसणारे गुगल मॅपचे पोस्टर चर्चेत आले. बाहेरून येणाऱ्या लोकांच्या मदतीसाठी येथील स्थानिक लोकांनी रस्त्यावर एक फलक लावला आहे. त्यावर लिहिले आहे- गुगल चुकीचे आहे, क्लब महिंद्रा रिसॉर्टकडे जाण्याचा हा मार्ग नाही.
कोडागु कनेक्टच्या X हँडलने साइनबोर्डचे चित्र शेअर केले होते. Google Maps द्वारे दिशाभूल झाल्यानंतर मदत मागणाऱ्या हरवलेल्या प्रवाशांना कंटाळलेल्या स्थानिक ग्रामस्थांनी हा साईनबोर्ड लावला होता. लोकांनी या पोस्टवर भरपूर कमेंट केल्या आणि गुगलने चुकीच्या दिशा दाखवल्याच्या कथा सांगायला सुरुवात केली. मात्र, डेटा रोज अपडेट करता येत नसल्याचेही अनेकांनी सांगितले. गुगल फ्री आहे, नसेल तर वापरू नका, ही एवढी मोठी समस्या नाही.
गेल्या अनेक वर्षांत गुगल मॅपमुळे अनेक लोक हरवल्याच्या घटना घडल्या आहेत. यातील अनेक लोक मोठ्या संकटातही अडकले आहेत.
