नवी दिल्ली,दि.1: Union Budget 2023: अर्थमंत्री निर्मला सीतारामन (Nirmala Sitharaman) यांनी बुधवारी देशाचा अर्थसंकल्प (Budget 2023) सादर केला. गेल्या काही दिवसांत विविध कारणांमुळे वाहनांच्या किंमती वाढल्या आहेत. याच वर्षाच्या सुरुवातीला साधारणपणे सर्वच वाहन निर्माता कंपन्यांनी आपल्या वाहनांच्या किंमती वाढवण्याची घोषणा केली आहे. या शिवाय गेल्या वर्षातही वाहन निर्माता कंपन्यांनी अनेक वेळा आपल्या वाहनांच्या किंमती वाढवल्या आहेत. मात्र, आता वाहनांच्या किंमती कमी होण्याची शक्यता आहे. कारण 2023 साठी नुकत्याच सादर केलेल्या अर्थसंकल्पात अर्थमंत्री निर्मला सीतारमण यांनी ऑटोमोबाईल सामानांवरील मुलभूत सीमाशुल्क दर कमी करण्याची घोषणा केली आहे.
काय स्वस्त | Budget 2023
सोने आणि चांदी
मोबाईलच्या बॅटऱ्यांसाठी लागणारं लिथियम आयन
एलई़डी टीव्ही
इलेक्ट्रिक वाहने
खेळणी
काय महाग
हिरे
विदेशी किचन चिमनी
सोन्याचे दागिने चांदीचे दागिने
सिगारेट
पितळ
अर्थमंत्री निर्मला सीतारमण आपल्या भाषणात म्हणाल्या, “कापड आणि शेती व्यतिरिक्त इतर वस्तूंवरील मूलभूत सीमाशुल्काची संख्याही 21 वरून 13 पर्यंत कमी करण्याचा माझा प्रस्ताव आहे. यामुळे आता खेळणी, सायकल, ऑटोमोबाईलसह काही वस्तूंवरील मुलभूत सीमा शुल्क, उपकर आणि अधिभारात काही प्रमानात बदल होईल.”
जुनी सरकारी वाहने स्क्रॅप होणार | Union Budget 2023
अर्थमंत्री निर्मला सीतारमण यांनी आपल्या भाषणात, “प्रदूषण पसरवणारी जुनी वाहने बदलणे, हा आपली अर्थव्यवस्था ग्रीन (Green Economy) बनविण्याच्या दृष्टीने एक महत्वाचा भाग आहे. 2021-22 च्या अर्थसंकल्पात नमूद केलेले वाहन स्क्रॅपिंग धोरण पुढे नेण्याच्या दृष्टीने, मी केंद्र सरकारची जुनी वाहने स्क्रॅप करण्यासाठी पुरेशा निधीची तरतूद केली आहे. याच बरोबर जुनी वाहने आणि ॲम्ब्युलन्स बदलण्यासाठीही राज्यांना मदत केली जाईल, असेही सीतारमण यांनी म्हटले आहे”
