मुंबई,दि.१३: माजी क्रिकेटपटू खासदार युसूफ पठाणच्या (Yusuf Pathan) पोस्टवर भाजपाने टीका केली आहे. पश्चिम बंगालमधील मुर्शिदाबाद जिल्ह्यात नवीन वक्फ कायद्यावरून हिंसाचाराने मोठे रूप धारण केले. वाढत्या हिंसाचाराच्या पार्श्वभूमीवर, कलकत्ता उच्च न्यायालयाच्या आदेशानंतर मुर्शिदाबाद जिल्ह्यात केंद्रीय सैन्य तैनात करण्यात आले.
दरम्यान, तृणमूल काँग्रेसचे खासदार आणि माजी क्रिकेटपटू युसूफ पठाण यांच्या एका इन्स्टाग्राम पोस्टवरून वाद निर्माण झाला आहे. कारण असे की पठाणने दोन दिवसांपूर्वी एका पोस्टमध्ये चहा पिताना आणि आराम करतानाचे काही फोटो शेअर केले होते, त्यानंतर सोशल मीडियावर त्यांच्यावर टीका होऊ लागली. यासोबतच भाजपने या पोस्टवरून पठाण आणि टीएमसीवरही जोरदार निशाणा साधला आहे.
भाजपाने केली टीका
सोशल मीडिया वापरकर्त्यांनाही लक्ष्य केले आणि दुसरीकडे, बंगालमधील विरोधी पक्ष भाजपानेही युनूस पठाण यांच्या या पोस्टवरून ममता सरकारला लक्ष्य केले. भाजपा प्रवक्ते शहजाद पूनावाला म्हणाले की, बंगाल जळत आहे. उच्च न्यायालयाने स्वतः म्हटले आहे की ते डोळे बंद करून राहू शकत नाही. पूनावाला म्हणाले की, मुख्यमंत्री ममता बॅनर्जी राज्य-संरक्षित हिंसाचाराला प्रोत्साहन देत आहेत तर पोलिस गप्प आहेत. ते म्हणाले की, या सगळ्यामध्ये, खासदार युसूफ पठाण चहा पितात आणि हिंदूंच्या हत्याकांडाचा क्षण एन्जॉय करतात. हे टीएमसी आहे.
युसूफ पठाण यांची पोस्ट
टीएमसी खासदार पठाण यांनी सोशल मीडियावर केलेल्या पोस्टमध्ये त्यांनी लिहिले होते की, आरामदायी दुपार, चांगला चहा आणि शांत वातावरण. फक्त या क्षणाचा आनंद घेत आहे. या कॅप्शनसह युसूफ पठाणचा फोटो सोशल मीडियावर येताच. या पोस्टसाठी युजर्सनी पठाणवर टीका करायला सुरुवात केली. एका वापरकर्त्याने लिहिले की, त्यांच्या जिल्ह्यात हिंसाचार होत असताना अशा पोस्ट पोस्ट करणे अत्यंत बेजबाबदार आहे. तसेच, एका वापरकर्त्याने कमेंट केली, “तुम्हाला काही लाज आहे का?
गेल्या वर्षी झालेल्या लोकसभा निवडणुकीत युसूफ पठाण यांनी ज्येष्ठ काँग्रेस नेते अधीर रंजन चौधरी यांचा पराभव करून पहिल्यांदाच संसदेत प्रवेश केला. तथापि, पठाण बंगालमधून नाही तर गुजरातमधून येत असल्याबद्दल यापूर्वीही प्रश्न उपस्थित केले गेले आहेत. आता या वादानंतर त्यांच्या भूमिकेवर पुन्हा एकदा चर्चा सुरू झाली आहे. सध्या युसूफ पठाणने या वादावर कोणतीही प्रतिक्रिया दिलेली नाही.
