ऑनलाईन डेस्क |छत्रपती संभाजीनगर, दि. १: स्थानिक स्वराज्य संस्थांच्या वर्तुळातून एक मोठी आणि खळबळजनक बातमी समोर येत आहे. एका नामांकित महापालिकेतील तब्बल २३ नगरसेवकांचे पद धोक्यात आले असून प्रशासनाकडून त्यांना अपात्रतेच्या थेट नोटिसा बजावण्यात आल्या आहेत. या कारवाईमुळे स्थानिक राजकारणात एकाच खळबळ उडाली आहे.
सर्वात महत्त्वाची बाब म्हणजे या कारवाईची झळ सत्ताधारी आणि विरोधी अशा दोन्ही बाजूंच्या प्रमुख पक्षांना बसणार आहे. अपात्रतेची टांगती तलवार असलेल्या २३ नगरसेवकांपैकी सत्ताधारी भारतीय जनता पक्षाचे (BJP) ७ तर विरोधी पक्ष असलेल्या एमआयएमचे (MIM) १६ नगरसेवक समाविष्ट आहेत.
🔴 अपात्रतेच्या नोटिसांमागील ‘ही’ ३ मुख्य कारणे
मिळालेल्या माहितीनुसार, गेल्या महापालिका निवडणुकीत पराभूत झालेल्या उमेदवारांनी महापालिका अधिनियमातील तरतुदींचा आधार घेत या नगरसेवकांविरोधात अपात्रतेच्या याचिका दाखल केल्या होत्या. प्राथमिक चौकशीनंतर प्रशासनाने खालील ३ प्रमुख मुद्द्यांवरून या नोटिसा जारी केल्या आहेत:
बेकायदा बांधकाम (Illegal Construction): महापालिकेच्या मंजुरीशिवाय किंवा नियमांचे उल्लंघन करून केलेले बांधकाम.
अतिक्रमण (Encroachment): सार्वजनिक किंवा सरकारी जागेवर केलेला बेकायदेशीर कब्जा.
दोनपेक्षा जास्त अपत्ये (More than Two Children): निवडणूक नियमांनुसार दोनपेक्षा जास्त अपत्ये असल्याचा आरोप.
📅 ऑगस्ट आणि सप्टेंबरमध्ये सुनावणीचा ‘अग्निपरीक्षा’
या गंभीर तक्रारींची दखल घेत पालिका प्रशासनाने चौकशीचे चक्र वेगाने फिरवले आहे. नगर सचिव, जन्म-मृत्यू नोंदणी विभाग आणि अतिक्रमण विभागाकडून प्राथमिक अहवाल प्राप्त झाल्यानंतर प्रशासनाने सर्व २३ नगरसेवकांना आपली बाजू मांडण्याची संधी दिली आहे.
येत्या ऑगस्ट आणि सप्टेंबर महिन्यात या सर्व प्रकरणांवर अंतिम सुनावणी (Hearing) पार पडणार आहे.
