पिंपरी-चिंचवड,दि.29: एखाद्या चुकीमुळे मोठी आर्थिक फसवणूक होऊ शकते. अलीकडे फसवणूक करणारे वेगवेगळ्या मार्गाचा अवलंब करत आहेत. शेअर मार्केटमध्ये गुंतवणूक केली मोठा फायदा होतो अशी अनेक जणांना वाटते. नेमके याचाच गैरफायदा घेऊन फसवणूक केली जाते. अशीच एक फसवणुकीची घटना घडली आहे. अनेकजण इंटरनेटवरील फसव्या जाहिरातीला बळी पडतात.
इंटरनेट सर्फिंगवर लोकांचा वेळ वाढू लागला तसं त्या क्षेत्राकडं जाहिरातदारांचही लक्ष वेधलं. अनेक उपयोगी तसंच फसव्या जाहिरातीही इंटरनेटवर असतात. या फसव्या जाहिरातींचा फटका बसलेले अनेक जण आहेत. पिंपरी चिंडवडमध्येही अशीच एक घटना घडलीय. पिंपरी-चिंचवडमधील एका महिलेला जाहिरातीवर क्लिक केल्यानंतर तब्बल 90 लाखांचा फटका बसला आहे.
नफा मिळवून देण्याचं आमिष
पिंपरी चिंडवडमधील वल्लभनगर परिसरातील 47 वर्षांच्या महिलेच्या बाबतीमध्ये 17 जून ते 7 ऑगस्ट दरम्यान हा प्रकार घडला. या महिलेनं गूगल वर जाहिरातीची लिंक ओपन केल्यावर तिच्या मोबाईलवर एक मोबाईल क्रमांकावरून संपर्क करण्यात आला. त्या व्यक्तीनं शेअर मार्केटमध्ये शेअर्स खरेदी करुन विक्री करुन नफा मिळवून देण्याचं आमिष दाखवण्यात आलं.
महिलेनं त्या आमिषाला बळी पडून तब्बल 90 लाख 27 हजारांची गुंतवणुक केली. या प्रकरणी महिलेच्या फिर्यादीवरून पिंपरी पोलिस ठाण्यात राहुल कपूर, ऋत्विक एंटरप्राइजेस, सेल्फी एंटरप्राइजेस, बंगाल प्लास्टिक, वैष्णवी कॉमन सर्विस सेंटर, मधूसुदन क्रेन वर्क, कॉन सर्विस सेंटर, बिस्मिल्ला मटन शॉप आणि आरमार प्रायव्हेट लिमिटेड आणि अन्य मोबाईल क्रमांक धारक यांच्यावर भा.द.वी. 406, 420 आणि माहिती तंत्रज्ञान अधिनियम कायदा 66 सी आणि डी नुसार गुन्हा दाखल करण्यात आला आहे.
