नवी दिल्ली,दि.२०: केंद्र सरकारने ३५ WhatsApp Group वर बंदी घातली आहे. देशात काही अघटीत घटना घडल्यास यास कारणीभूत अनेकवेळा सोशल मीडियावरून अफवा पसरवल्या जातात. अग्निपथ योजना (Agnipath Scheme) विरोधात देशात तीव्र आंदोलन केले जात आहे. या आंदोलना दरम्यान अनेक रेल्वेला आंदोलनकर्त्यांनी आग लागली. अनेक ठिकाणी बसेसची तोडफोड करीत जाळपोळ केली आहे. त्यामुळे देशातील लाखो रुपयांच्या सार्वजनीक संपत्तीचे नुकसान झाले आहे. या संबंधीचे रिपोर्ट्स समोर आल्यानंतर अग्निपथ योजने विरोधात आंदोलनाच्या मागे जवळपास ३५ व्हॉट्सॲप ग्रुप जबाबदार असल्याची माहिती समोर आली आहे. व्हॉट्सॲप ग्रुपमधून देशभरात या स्कीम विरोधात खोटी माहिती पसरवली जात होती. यानंतर आंदोलनकर्त्यांनी हिंसाचार केला आहे. त्यामुळे केंद्रातील मोदी सरकारने ३५ व्हॉट्सॲप ग्रुपवर बंदी घातली आहे.
न्यूज एजन्सी पीटीआयच्या माहितीनुसार, केंद्र सरकारने हिंसाचाराला कारणीभूत ठरणाऱ्या ३५ व्हॉट्सअॅप ग्रुपवर धडक कारवाई केली आहे. तसेच १० मास्टरमाइंड लोकांना अटक केलेली आहे. ज्या लोकांनी आंदोलनावेळी हिंसाचार केला आहे. अशा सर्व लोकांची ओळख पटवून त्यांच्या विरोधात कडक कारवाई करण्याचा इशारा सरकारकडून दिला गेला आहे. केंद्र सरकार अग्निपथ स्कीममध्ये अग्निवीरांच्या भरतीवरून चुकीची आणि खोटी माहिती पसरवली जात होती. अशा ३५ व्हॉट्सअॅप ग्रुपच्या विरोधात माहिती मिळाल्यानंतर सरकारने ही कारवाई केली आहे. या श्रेणीत तिन्ही सैन्यांकडून एक स्पष्टीकरण जारी करण्यात आले आहे. ही माहिती लोकांपर्यंत पोहोचवली जात आहे. फेक व खोट्या माहितीला लवकरच रोखले जाईल, असे सरकारकडून सांगितले जात आहे.
सरकारकडून देण्यात आलेल्या स्पष्टीकरणात सांगितले आहे की, अग्निपथ योजना (Agnipath Scheme) च्या विरोधात पसरवल्या जात असलेल्या बातम्यां संबंधी भारतीय लष्कर (Indian Army) ने स्पष्टीकरण दिले आहे. सैन्यांच्या रेजिमेंट व्यवस्थेत कोणताही बदल केला जात नाही आहे. या व्यवस्थेला आधीसारखेच ठेवले जाणार आहे. अग्निपथ योजनेला सध्याचे आणि आधीच्या सैन्य अधिकाऱ्यांच्या सोबत विचार विनिमय केले जात आहे. परंतु, काही व्हॉट्सअॅप ग्रुपकडून अग्निपथ योजनेसंबंधी अत्यंत चुकीची माहिती पसरवली गेली आहे. लोकांची दिशाभूल करण्याचा प्रयत्न करण्यात आला आहे. त्यामुळे अशा सर्व संबंधितांविरोध कारवाई केली जात आहे.
