दि.13: Kuwait To Deport Migrants: कुवेतने म्हटले आहे की, ते प्रेषित मुहम्मद यांच्यावर भाजपच्या निलंबित प्रवक्त्या नुपूर शर्मा यांनी केलेल्या वक्तव्याविरोधात आयोजित केलेल्या निषेधात सहभागी झालेल्या नागरिकांना त्यांच्या देशात परत पाठवणार आहेत. वृत्तसंस्था एएनआयने स्थानिक मीडियाच्या हवाल्याने ही माहिती दिली आहे. आंदोलकांनी कुवेतमध्ये बाहेरील देशातील नागरिकांना उपोषणास किंवा निदर्शने करण्यास मनाई करणार्‍या देशातील कायदे आणि नियमांचे उल्लंघन केल्यामुळे हा निर्णय घेण्यात आल्याचे बातमीत म्हटले आहे.
अरब टाईम्सने दिलेल्या वृत्तात म्हटले आहे की अधिकारी “बाहेरील देशातील नागरिकांना ताब्यात घेऊन त्यांना त्यांच्या देशात परत पाठवण्यासाठी निर्वासित केंद्रात पाठवण्याच्या प्रक्रियेत आहेत.” या स्थलांतरितांना कुवेतमध्ये पुन्हा प्रवेश करण्यास बंदी घालण्यात येणार असल्याचे वृत्तात म्हटले आहे. कुवेतमधील सर्व स्थलांतरितांनी कुवेतच्या कायद्यांचा आदर करावा आणि कोणत्याही प्रकारच्या निदर्शनांमध्ये भाग घेऊ नये, अशा सूचना अधिकाऱ्यांच्या हवाल्याने वृत्तात म्हटले आहे.
भाजपच्या निलंबित नेत्या नुपूर शर्मा यांनी प्रेषित मुहम्मद यांच्यावर केलेल्या वक्तव्यामुळे आखाती देशांमध्ये खळबळ उडाली आहे. तेथे लोकांनी मोठ्या प्रमाणात आंदोलने सुरू केली आहेत. अशा स्थितीत यापूर्वी या देशांनी या वक्तव्यावर आक्षेप घेत भारतीय राजदूतांना बोलावून संपूर्ण प्रकरणावर कारवाईची मागणी केली होती. तथापि, भारताने “असंतुष्ट घटकांद्वारे केलेली टिप्पणी” म्हणून फेटाळून लावली आणि म्हटले की त्यांनी अल्पसंख्याकांविरूद्ध ट्विटरवर विवादास्पद टिप्पण्या करणार्‍यांवर कठोर कारवाई केली आहे.
