दि.30: Viral Video: सोशल मीडियावर (Social Media) अनेक व्हिडिओ व्हायरल (Viral) होतात. यातील अनेक व्हिडिओ मजेशीर असतात. तर काही व्हिडिओ थरकाप उडवणारे असतात. IPS अधिकारी दिपांशू काब्रा यांनी सोशल मीडियावर एक व्हिडीओ पोस्ट केला आहे. त्यात दोन धावत्या ट्रेनच्या मध्ये घोडा फसलेला दिसत आहे, पण त्यानं हार मानलेली नाही. तो एका ट्रेनच्या सोबतीनं वेगानं पळताना दिसतोय आणि अखेरीस या कचाट्यातून स्वतःची सुटका करण्यात यशस्वी ठरलेला पाहायला मिळतोय.
IPS दिपांशू काब्रा यांनी ट्विटवर लिहिले की, दोन ट्रेनच्या मध्ये एक घोडा फसला, त्याला धावायला येत होतं आणि सरळ मार्गे तो पळत सुटला आणि अखेरीत तो यातून बाहेर पडला. या लहान व्हिडीओतून आपल्याला जीवनातील सर्वात महत्त्वाचा धडा शिकायला मिळतो. संकटकाळात विचलित न होता, स्वतःवरील विश्वास कायम ठेऊऩ वाटचाल सुरू ठेवा.