फतेहपूर,दि.8: उत्तर प्रदेशातील फतेहपूरमध्ये एका तरुणाला सहाव्यांदा साप चावला. दीड महिन्यात त्याला सहाव्यांदा साप चावला आहे. यावेळीही तो बचावला हे सुदैवाने. मात्र आश्चर्याची बाब म्हणजे सापापासून वाचण्यासाठी हा तरुण आधी मावशीच्या घरी, नंतर काकाकडे गेला, पण सापाने त्याला सोडले नाही. साप त्याला पुन्हा पुन्हा आपला शिकार बनवत आहे. या घटनेने तरुणाच्या कुटुंबासह परिसरातील नागरिक हादरले आहेत. त्याच्यावर उपचार करणारे डॉक्टरही हैराण झाले आहेत.
ही परिस्थिती तेव्हा निर्माण झाली जेव्हा विकास दुबे याने सापापासून वाचण्यासाठी घर सोडले. आधी तो आपल्या मावशीच्या घरी गेला पण तिथेही त्याला साप चावला. त्यानंतर नुकताच तो पळून काकाच्या घरी पोहोचला तेव्हा सापाने त्याला पुन्हा चावा घेतला. आता विकास आणि त्याच्या कुटुंबीयांना समजत नाहीये की काय करावे?
साप तरुणाच्या मागे
पीडित विकास दुबे यांच्या म्हणण्यानुसार, त्याला दीड महिन्यात 6 वेळा साप चावला आणि प्रत्येक वेळी तो वाचला. साप चावण्यापूर्वीच साप आपल्यावर हल्ला करणार आहे हे त्याच्या लक्षात येते. या घटनेवर डॉक्टरांसह अनेकांनी आश्चर्य व्यक्त केले आहे.
विकासने सांगितले की, 2 जून रोजी रात्री 9 वाजता अंथरुणावरुन उठत असताना त्याला पहिल्यांदा साप चावला. त्यानंतर कुटुंबीयांनी त्याला जवळच्या खासगी नर्सिंग होममध्ये दाखल केले. उपचार करून घरी परतल्यावर 8 दिवसांनी म्हणजेच 10 जूनच्या रात्री त्याला दुसऱ्यांदा साप चावला. उपचार झाले आणि तो बरा होऊन घरी परतला. दोन वेळा झालेल्या या अपघातामुळे विकास थोडा घाबरला. पण हे प्रकरण इथेच थांबले नाही.
विकासला आणखी दोनदा साप चावला तेव्हा त्याला वीस दिवसही उलटले नव्हते. दरवेळेप्रमाणेच यावेळीही तो उपचारानंतर बरा झाला. या घटनेने विकासचे नातेवाईक आणि डॉक्टरही अचंबित झाले. सर्वांनी त्याला साप चावू नये म्हणून काही दिवस घरापासून दूर राहण्याचा सल्ला दिला.
काकाच्या घरी राहायला गेला पण…
हादरलेल्या विकासने त्यांचा सल्ला मान्य केला आणि तो राधानगर येथील मावशीच्या घरी गेला. पण मावशीच्या घरीही सापाने त्याला सोडले नाही. 28 जून रोजी विकासला त्याच्या मावशीच्या घरी पाचव्यांदा साप चावला. त्यांना पुन्हा रुग्णालयात दाखल करण्यात आले. मात्र, यावेळीही तो बरा होऊन घरी आला. आणि काकाच्या घरी राहायला गेला. पण इथेही सापाने त्याला सोडले नाही. गेल्या रविवारी विकासला सापाने सहाव्यांदा चावा घेतला. सध्या त्यांच्यावर रुग्णालयात उपचार सुरू आहेत. प्रकृती धोक्याबाहेर असल्याचे सांगण्यात येत आहे. या घटनेने कुटुंबीय हादरले आहेत.
विकासच्या म्हणण्यानुसार, साप चावल्यानंतर तो थोडाही घाबरला नाही आणि निर्भयपणे उपचार केले. विकासला दर आठवड्याला साप चावला जातो. उपचार होतात आणि तो बरा होतो. त्याचबरोबर प्रत्येक वेळी सर्पदंशाच्या नवीन खुणा आढळून आल्याचे डॉक्टरांनी सांगितले. सर्पविषविरोधी आपत्कालीन औषधे दिली जातात.
