मुंबई,दि.3: नागाला कितीही दूध पाजलं तरी चावायचं तो चावतोच असं म्हणत शिवसेना पक्षप्रमुख उद्धव ठाकरेंनी (Uddhav Thackeray) पुन्हा एकदा टीका बंडखोरांवर केली असून गुलाबराव पाटील यांना लक्ष्य केलं आहे. मातोश्रीबाहेर जळगाव आणि वाशीममधील शिवसैनिकांसोबत उद्धव ठाकरेंनी संवाद साधताना नागाला कितीही दूध पाजलं तरी चावायचं तो चावतोच अशा शब्दांत टीका केली. आपण सर्वांनी प्रेमाने, मायेने निष्ठेचं दूध पाजलं, पण औलाद गद्दारच राहिली असा संताप यावेळी त्यांनी व्यक्त केला.
जळगावमध्ये भाजपने गुलाब पाहायला आता सैनिकांचे काटे बघायचे. जळगावमध्ये एक गुलाब गेलं दुसरे गुलाबराव वाघ आपल्या सोबत आहेत, असे म्हणत उद्धव ठाकरेंनी गुलाबराव पाटलांसह भाजपला टोला दिला आहे.
जळगावमध्ये भाजपने गुलाब पाहायला आता सैनिकांचे काटे बघायचे. जळगावमध्ये एक गुलाब गेलं दुसरे गुलाबराव वाघ आपल्या सोबत आहेत. आता मी राज्यभर फिरणार आहे तेव्हा सविस्तर बोलेन.
सदस्य नोंदणीवर भर द्या सोक्षमोक्ष व्हायचा असेल तर होऊन जाऊ द्या. विधानसभेच्या निवडणुका येऊद्या मग दाखवून देऊ, असे देखील उद्धव ठाकरे या वेळी म्हणाले.
शिवसेनेला संपवण्याचे प्रयत्न सुरु आहेत. आतापर्यंत शिवसेना फोडण्याचे अनेक प्रयत्न झाले. पण आता शिवसेनेला संपवण्याचे प्रयत्न सुरु आहेत. हे मी आधीच बोललो होतो. हे परवा भाजपच्या राष्ट्रीय अध्यक्षांनी बोलून दाखवलं की शिवसेना संपत चाललेला पक्ष आहे. त्यांना माहिती नाही की अशी अनेक आव्हाने पायदळी तुडवत त्याच्यावर आम्ही झेंडा रोवला आहे. राजकारणात हार जीत होत असते, पण संपवण्याची भाषा केली जात नाही. ती आता होत आहे.
