दि.१८: ऑनलाईन फसवणुकीचे प्रकार वाढले आहेत. फसवणूक करणारे वेगवेगळ्या मार्गाने फसवणूक करतात. फेस्टिव्ह सीझनच्या काळात मेसेजच्या माध्यमातून ऑनलाइन फसवणूक होत असल्याचे समोर आले आहे. कॅमर्सकडून बनावट मेसेजद्वारे यूजर्सची खासगी माहिती व पैसे चोरी केले जात आहेत.
दिवाळीच्या पार्श्वभूमीवर भारतात फेस्टिव्ह सीझन सुरू आहे. फेस्टिव्ह सीझन दरम्यान ऑनलाइन फ्रॉड्समध्ये वाढ झाल्याचे दिसत आहे. ऑफर्सच्या नावाखाली लोकांची फसवणूक होत आहे. फेस्टिव्ह सीझनमध्ये फोनमध्ये अनेक मेसेज येतात. यातील अनेक मेसेज बनावट असतात. अशा मेसेजमधील लिंकवर क्लिक केल्यास तुमचे हजारो रुपयांचे नुकसान होऊ शकते. आम्ही तुम्हाला अशाच काही मेसेजबाबत सावध करत आहोत. जेणेकरून, तुमच्या फोनमध्ये असे मेसेज असल्यास त्वरित डिलीट करा.
बंपर डिस्काउंट
तुम्ही एखाद्या स्टोरेमध्ये शॉपिंग केल्यानंतर तेथे फोन नंबर द्यावा लागतो. याद्वारे कंपनी तुम्हाला ऑफरबाबत माहिती देते. मात्र, अनेकदा कंपनीच्या नावाने मेसेज येतात. यात ऑफरची माहिती नसते, तर एक लिंक दिली जाते. या लिंकवर क्लिक केल्यानंतर थेट थर्ड पार्टी वेबसाइटवर रिडायरेक्ट केले जाते. अशा वेबसाइट्समुळे तुमची खासगी माहिती चोरी होऊ शकते. त्यामुळे असे मेसेज त्वरित डिलीट करा.
ATM डिडक्शन मेसेज
अनेक स्कॅमर्स इंटरनेटच्या मदतीने असे मेसेज पाठवतात, ज्यात तुमच्या कार्डमधून पैसे कपात झाल्याचे सांगितले जाते. असा मेसेजमधील लिंकवर क्लिक केल्यानंतर मोठी फसवणूक होते. कारण स्कॅमर्स आणि हॅकर्स या मेसेजद्वारे फोनमध्ये मॅलेवेअर पाठवतात व तुमची खासगी माहिती चोरी करतात. तुमचे बँक खाते रिकामे होऊ शकता. त्यामुळे अशा मेसेजला त्वरित डिलीट करावे.
सरकारी मेसेज
अनेकदा सायबर गुन्हेगार सरकारी मेसेजच्या नावाखाली बनावट मेसेज पाठवतात. मेसेज मंत्रालयाकडून आला असल्याचा दावा केला जातो व खासगी माहिती शेअर करण्यास सांगितले जाते. अशा मेसेजवर विश्वास ठेवू नये.
जॉब ऑफर्स
अनेकदा फोनवर नोकरी संदर्भातील मेसेज येतात. या मेसेजमध्ये लिंक दिली जाते. लिंकवर क्लिक केल्यानंतर खासगी माहिती मागितली जाते व पेमेंट करण्यास सांगितले जाते. तुम्हाला देखील असे मेसेज आल्यास त्वरित डिलीट करा. कारण, कंपन्या नोकरीसाठी सर्वसाधारणपणे टेक्स्ट मेसेज करण्याऐवजी मेल करतात.
