सांगली,दि.19: सांगलीतील (Sangli) एका म्हशीची (Buffalo) देशभर चर्चा होत आहे. 1500 किलो वजनाच्या या म्हशीची किंमत 80 लाख रुपये आहे. या म्हैशीची सध्या देशभर चर्चा सुरु आहे. चर्चेत असलेल्या या म्हशीची नाव गजेंद्र आहे. सांगली जिल्ह्यातील तासगाव येथे स्वाभिमानी शेतकरी संघटनेने (Swabhimani Shetkari Sanghatana) आयोजित केलेल्या आठव्या कृषी, पशु, पक्षी प्रदर्शनात ही म्हैस आली होती. ज्यांनी ज्यांनी ही म्हैस पाहिली ते लोक तिला पाहतच राहिले. संपूर्ण परिसरात सर्वत्र गजेंद्र म्हशीची चर्चा होत आहे.
बऱ्याच शेतकऱ्यांना या जातीची म्हैस खरेदी करायची इच्छा आहे. त्यामुळे त्यांच्या उत्पन्नात वाढ होईल, असा त्यांचा विश्वास आहे.
80 लाखांची म्हैस
या म्हशीचे वजन सुमारे दीड टन म्हणजेच 1500 किलोची आहे. तिची किंमत 80 लाख रुपये आहे. महाराष्ट्र-कर्नाटक सीमाभागातील मंगसुळी गावात राहणारे शेतकरी विलास नाईक यांची ही म्हैस आहे. ती दिसायला खूप जड आणि आरोग्यदायी असल्यामुळे त्यांनी तिचं नाव गजेंद्र ठेवले. ही म्हैस पाहण्यासाठी दूरवरून लोक येत असतात. तसंच या म्हशीसोबत सेल्फी काढण्यासाठीही खूप गर्दी होत असते. या म्हशीचे फोटो सोशल मीडियावर व्हायरल होत आहेत.
म्हैस दररोज 15 लिटर दुध पिते
ही म्हैस दररोज 15 लिटर दूध पिते, याशिवाय हिरवे गवत आणि दिवसातून चार वेळा उस खायला दिला जातो. या प्रकारचा प्राणी पुनरुत्पादनासाठी पाळला जातो. त्यांच्या शुक्राणूंपासून चांगल्या जाती निर्माण होतात. त्यामुळे शेतकऱ्यांना मोठा फायदा होऊ शकतो.
चांगल्या प्रतीच्या म्हशींमुळे उत्पन्नाचा फायदा होईल, असा शेतकऱ्यांचा विश्वास आहे. मात्र त्यांची काळजी घेणे देखील सोपं नाही. वेळोवेळी वैद्यकीय तपासणी करणं आवश्यक आहे. त्यांचा सांभाळ सामान्य म्हशींपेक्षा खूप जास्त असतो.
