धुळे,दि.१२:धुळे जिल्ह्यात सध्या चोरट्यांनी कांदा चोरी करून पोलिसांसमोर मोठे आव्हान उभे केला आहे. धुळे तालुक्यामध्ये गेल्या पंधरा दिवसांमध्ये दोन शेतकऱ्यांचा कांदा चोरीला गेला आहे. प्रामुख्याने महामार्गालगत असलेल्या कांदा चाळींना चोरट्यांनी लक्ष केलं आहे. तालुक्यातील कुसुंबा गाव शिवारातून चोरट्यांनी तब्बल शंभर क्विंटल कांद्याची चोरी केली आहे. या प्रकरणी तालुका पोलिस ठाण्यामध्ये गुन्हा दाखल करण्यात आलेला आहे. हर्षल शिंदे यांच्या फिर्यादीवरून दिड हजार रुपये प्रति क्विंटल याप्रमाणे एक लाख ३५ हजार रुपये किमतीचा कांदा चोरीला गेल्याची फिर्याद दाखल करण्यात आली आहे. पोलीस या प्रकरणाचा आता काय तपास करता? याकडे सर्वांचे लक्ष लागले आहे.
जिल्ह्यात सध्या चोरट्यांनी कांदा चोरी करून पोलिसांसमोर मोठे आव्हान उभे केला आहे. धुळे तालुक्यामध्ये गेल्या पंधरा दिवसांमध्ये दोन शेतकऱ्यांचा कांदा चोरीला गेला आहे. प्रामुख्याने महामार्गालगत असलेल्या कांदा चाळींना चोरट्यांनी लक्ष केलं आहे.
धुळे जिल्ह्यातील कुसुंबा शिवारात सुभाष शिंदे या शेतकऱ्याचं कुसूंबा शिवारात शेत आहे. त्यांनी आपल्या शेतामध्ये उन्हाळी कांद्याची लागवड केलेली होती. हा कांदा काढून त्यांनी आपल्या शेतात तयार केलेल्या पाच बाय ३५ फूट चाळीमध्ये ठेवला होता. यात सुमारे १६० क्विंटल कांद्याची साठवणूक करण्यात आलेली होती. कांद्याचे भाव वाढल्यानंतर तो विक्रीला काढावा या विचारात शिंदे होते. मात्र, त्याआधीच चोरट्यांनी या कांद्यावरती डल्ला मारलेला आहे. शिंदे यांच शेत नागपूर – सुरत महामार्गाला लागून आहे. याच संधीचा फायदा चोरट्यांनी घेतला. चोरट्यांनी आयशर गाडी थेट महामार्गावरून शिंदे यांच्या कांदाचाळी जवळ लावली आणि सुमारे शंभर क्विंटल कांदा हा गाडी भरून चोरून नेला.
सुभाष शिंदे यांचे चिरंजीव हर्षल शिंदे यांनी पोलिसात तक्रार दाखल केलेली आहे. हा दीडशे क्विंटल कांदा चांगला भाव आल्यानंतर विकण्याची तयारी शिंदे यांची होती. या पैशातून घेतलेलं कर्ज फेडावे या विचारात ते होते. मात्र त्याआधीच चोरट्यांनी कांदा चोरून नेल्याने त्यांना अपेक्षित असलेले दोन पैसे हे चोरट्यांच्या घशात गेले आहे. कांदा चोरीला गेल्याने शिंदे यांच्यासमोर मोठा आर्थिक संकट उभा राहिले आहे.
