सोलापूर,दि.13: सोशल मीडियावर (Social Media) अनेकदा संतापजनक व्हिडिओ व्हायरल (Video Viral) होतात. शिक्षकाचे विद्यार्थ्यांना घडविण्याचे कर्तव्य आहे. मात्र अनेकदा शिक्षक क्रूर झाल्याचे दिसून येते. कधी कधी इतक्या संतापजनक घटना घडतात ज्याची कल्पनाही करता येणार नाही. सध्या सोशल मीडियावर धक्कादायक व्हिडीओ समोर आला आहे. एका शिक्षिकेने विद्यार्थीनीला उष्टी भांडी घासायला भाग पाडले, मात्र जेव्हा तिने नकार दिला तेव्हा शिक्षिकेने तिला बेदम मारहाण केली. (The teacher brutally beat the student) ही घटना उत्तराखंडच्या पौडी जिल्ह्यातील आहे. हा व्हिडीओ सध्या सोशल मीडियावर जबरदस्त व्हायरल होत आहे.
विद्यार्थिनीला बेदम मारहाण | The student was brutally beaten
उत्तराखंडमधील पौडी-गढवालमधून एक भयंकर घटना समोर आली आहे. जिथे एका शिक्षिकेने विद्यार्थिनीला बेदम मारहाण केल्याची संतापजनक घटना घडली आहे. धक्कादायक बाब म्हणजे नंतर मुलीचा गळा दाबून तिला जीवे मारण्याचा प्रयत्न केला. या संपूर्ण घटनेचा व्हिडीओ वर्गातील अन्य एका विद्यार्थिनीने तिच्या मोबाईलमध्ये कैद केला आहे. ज्यामध्ये शिक्षिका विद्यार्थिनीला बेदम मारहाण करताना दिसत आहे.
व्हिडिओ व्हायरल
व्हिडिओ व्हायरल | Video Viral
पौडी जिल्ह्यात एका विद्यार्थिनीला शिक्षिकेने बेदम मारहाण केल्याचा व्हिडीओ व्हायरल होत आहे. व्हिडीओची पुष्टी करताना शिक्षण विभागाने पौरी जिल्ह्यातील देवला पौखाल भागाची माहिती दिली आहे. गुरु राम राय इंटर कॉलेजमध्ये एनएसएस कॅम्प आयोजित करण्यात आला होता. याच दरम्यान, एका विद्यार्थिनीला शाळेतील शिक्षिकेने बेदम मारहाण केली.
भांडी न धुतल्याने विद्यार्थिनीला मारहाण
शिक्षिकेने आधी विद्यार्थिनीला सुमारे पाच वेळा थप्पड मारली आणि नंतर तिचा गळा दाबला. मिळालेल्या माहितीनुसार, पाणी नसताना विद्यार्थिनीने तिची उष्टी भांडी न धुतल्यामुळे शिक्षिकेने विद्यार्थिनीला बेदम मारहाण केली. यामुळे संतापलेल्या शिक्षिकेने विद्यार्थिनीला मारहाण करण्यास सुरुवात केली.
शिक्षिकेपासून कसातरी जीव वाचवून विद्यार्थिनीने तेथून पळ काढला. या प्रकरणाची दखल घेत जिल्हा शिक्षणाधिकाऱ्यांनी आरोपी शिक्षिकेवर कारवाई करण्यासाठी चौकशी सुरू केली आहे. या घटनेने परिसरात खळबळ उडाली असून संताप व्यक्त केला जात आहे. व्हिडीओ सोशल मीडियावर जोरदार व्हायरल होत आहे.
