दि.9: सोशल मीडियावर अनेक मजेशीर व्हिडिओ व्हायरल होतात. सोशल मीडियावर मांजराचे अनेक व्हिडिओ व्हायरल होतात. तुम्ही अनेकदा मांजरांना झाडावर चढताना किंवा पळताना आणि भांडताना पाहिलं असेल. मात्र, आता जो व्हिडिओ समोर आला आहे, त्यात दिसतं की मांजर झाडावर नाही तर घराच्या भिंतीवर (Cat on Wall) चढत आहे. प्लेन भिंतीवर चढणं प्रत्येकाला शक्य नाही. कदाचित तुमच्यातील कोणीही आतापर्यंत मांजरीला अशा पद्धतीनं भिंतीवर चढताना पाहिलं नसेल. हा व्हिडिओ सोशल मीडियावर (Social Media) चांगलाच व्हायरल होत आहे. सोबतच यावर अनेकांनी प्रतिक्रियाही दिल्या आहेत.
हा व्हिडिओ सोशल मीडिया प्लॅटफॉर्म इन्स्टाग्रामवर आहे, दो बकलोल शेखरनं आपल्या पेजवरुन शेअर केला आहे. हा व्हिडिओ शेअर करत कॅप्शनमध्ये त्यांनी लिहिलं, वाह काय कला आहे. हा व्हिडिओ इतरही अनेक सोशल मीडिया पेजवर दिसत आहे. व्हिडिओमध्ये पाहायला मिळतं, की ही मांजर लेजर लाईटचा पाठलाग करत येते आणि भिंतीवर चढते. जिथे जिथे लेजर लाईट पडेल, तिथे ती धावताना दिसते.
लेजर लाईट थांबताच मांजरही भिंतीवरच थांबते. व्हिडिओ पाहून अंदाज येतो की ही मांजर अनेकदा असं करत असावी. सोबतच मांजरीला असं करताना भरपूर मजा येत आहे, हेदेखील जाणवतं. या व्हिडिओवर अनेकांनी प्रतिक्रिया दिल्या आहेत.
